முதல் டெஸ்ட் போட்டி
இந்தியா, வெஸ்ட் இண்டீஸ் அணிகளுக்கு இடையிலான முதல் டெஸ்ட் வரும் 22ம் தேதி நடக்கிறது. அதில் வெற்றி பெற்றால் விராட் கோலி, தோனியின் சாதனையை சமன் செய்வார்.
இந்திய அணி சாதனை
கடந்த காலங்களில் கோலி தலைமையிலான இந்தியா, தென் ஆப்ரிக்கா, இங்கிலாந்து மண்ணில் தொடரை இழந்தது. ஆனால் முதன்முறையாக ஆஸ்திரேலிய மண்ணில் தொடரை கைப்பற்றி வரலாற்று சாதனை படைத்தது.
19வது சதமடிப்பாரா?
தோனியின் சாதனையுடன் மற்றொரு சாதனைக்கு அருகிலும் இருக்கிறார் விராட் கோலி. அதாவது கோலி கேப்டனாக இதுவரை 18 சதங்களை டெஸ்ட் போட்டிகளில் அடித்துள்ளார். ஆஸ்திரேலிய அணி முன்னாள் கேப்டன் பாண்டிங் சாதனையை சமன் செய்ய கோலிக்கு இன்னும் ஒரு சதம் போதும்.
சாதனை சமன்
இதுவரை ஆஸ்திரேலிய கேப்டனாக பாண்டிங் 19 செஞ்சுரி அடித்துள்ளார். வெஸ்ட் இண்டீசுக்கு எதிரான முதலாவது போட்டியில் கோலி ஒருவேளை சதம் அடிக்கும் பட்சத்தில் பாண்டிங்கின் சாதனையை சமன் செய்வார்.
ஸ்மித் 25 சதங்கள்
உலகளவில் கேப்டனாக டெஸ்ட் போட்டிகளில் அதிக சதம் அடித்த வீரர் என்ற பெருமையை தென் ஆப்ரிக்க முன்னாள் கேப்டன் க்ரீமி ஸ்மித் வைத்திருக்கிறார். மொத்தம் 25 சதங்களை அவர் கேப்டனாக அடித்துள்ளது குறிப்பிடத்தக்கது. அதனையும் கோலி முறியடிப்பார் என்று எதிர்பார்க்கலாம்.