வெறும் 129 மட்டுமே
முன்னதாக இலங்கை அணி முதலில் பேட் செய்து 20 ஓவர்களில் 8 விக்கெட்டுகளை இழந்து 129 ரன்களை மட்டுமே எடுத்தது. சண்டிமால் மட்டுமே சிறப்பாக ஆடி அரை சதம் போட்டார். மற்றவர்கள் சொல்லிக் கொள்ளும்படி ஆடவில்லை.
115 ரன் வரை விரட்டி வந்த எமிரேட்ஸ்
பின்னர் பேட் செய்த எமிரேட்ஸ் அணி 9 விக்கெட்களை இழந்து 115 ரன் வரை எடுத்தது. இதனால் 14 ரன்கள் வித்தியாசத்தில் இலங்கை வென்றது.
சூப்பர் பந்து வீச்சு
முன்னதாக, எமிரேட்ஸ் அணியினர் பந்து வீச்சில் அசத்தி விட்டனர். அதேசமயம், பேட்டிங்கில் அவர்களது போதிய அனுபவமின்மையால் சின்ன ஸ்கோரை சேஸ் செய்யத் தடுமாறி தோல்வியில் வீழ்ந்தனர்.
ஸ்வப்னீல் பாட்டில்
எமிரேட்ஸ் அணியில் ஸ்வப்னீல் பாட்டில் சிறப்பாக பேட் செய்து சேஸ் செய்து பார்த்தார். 37 ரன்களைச் சேர்த்தார் அவர். மற்றவர்கள் சரிவர ஆடவில்லை.
மலிங்காவுக்கு 4
எமிரேட்ஸ் அணியின் பேட்டிங்கை முறியடித்தது இலங்கை கேப்டன் லசித் மலிங்காவின் அருமையான பந்து வீச்சுதான். சிறப்பாக பந்து வீசிய அவர் 4 விக்கெட்களைச் சாய்த்தார். இதில் ஒரே ஓவரில் அவர் 2 விக்கெட்களைச் சாய்த்து எமிரேட்ஸை நிலை குலைய வைத்தார்.