அதிரடி ஆட்டம்
இதனையடுத்து, களமிறங்கிய ஆஸ்திரேலிய அணி தொடக்க வீரர் கேமிரான் கிரின் அதிரடியாக விளையாடி ரன்களை குவித்தார். புவனேஸ்வர் குமார் வீசிய முதல் ஓவரில் 12 ரன்கள் குவிக்கப்பட்டது. இதனையடுத்து பும்ரா வீசிய 3வது ஓவரிலும் ஆஸ்திரேலியா 17 ரன்கள் குவித்தது. இந்த வீரர்களை கட்டுப்படுத்த முடியாமல் இந்திய அணி வீரர்கள் திணறினர்.
19 பந்தில் அரைசதம்
கேமிரான் கிரின் 19 பந்துகளில் அரைசதம் அடிக்க, ஆஸ்திரேலிய அணி 3.5வது ஓவரில் 50 ரன்களை கடந்தது. ஆரோன் பிஞ்ச் 7 ரன்களில் வெளியேற, கிரின் 52 ரன்களை வெளியேறினார். இதனையடுத்து பவர்பிளே முடிவில் ஆஸ்திரேலிய அணி 66 ரன்களுக்கு 2 விக்கெட் இழந்தது. இந்த நிலையில், அதிரடி வீரர் மேக்ஸ்வெல் 6 ரன்கள் எடுத்திருந்த நிலையில் ரன் அவுட் ஆனார்.
அக்சர் பட்டேல் அபாரம்
இதே போன்று பெரிதும் எதிர்பார்க்கப்பட்ட ஸ்மித் சாஹல் பந்துவீச்சில் ஸ்டம்ப் அவுட் ஆனார். இதனைத் தொடர்ந்து அக்சர் பட்டேல் வீசிய ஒரே ஓவரில் 2 விக்கெட்டுகள் விழுந்தது. மேத்தீவ் வெட் 1 ரன்னிலும், ஜாஸ் இங்கிலிஷ் 24 ரன்களிலும் அக்சர் பட்டேல் பந்துவீச்சில் வெளியேறினர். இதனால் ஆஸ்திரேலிய அணி தடுமாறியது.
டிம் டேவிட் அரைசதம்
இறுதியில் அதிரடி வீரர் டிம் டேவிட், அதிரடியாக விளையாடி ரன்களை குவித்தார். புவனேஸ்வர் குமார் வீசிய 18வது ஓவரில் 21 ரன்களும், பும்ரா வீசிய 19வது ஓவரில் 18 ரன்களும் அடிக்கப்பட்டது. இதனால் டேவிட் 25 பந்தில் அரைசதம் விளாசினார். இதனால் 20 ஓவர் முடிவில் ஆஸ்திரேலிய அணி 7 விக்கெட் இழப்பிற்கு 186 ரன்கள் எடுத்தார். இந்திய அணி பந்துவீச்சில் அக்சர் பட்டேல் 3 விக்கெட்களை வீழ்த்தினார்.