அட.. தீபாவளி நாளில் ஆச்சரியம் அளித்த ஆஸி. வீரர்கள்.. லைக்ஸ்-ஐ தெறிக்கவிட்ட இந்திய ரசிகர்கள்!

ஆஸ்திரேலிய கிரிக்கெட்

கிரிக்கெட் உலகில் அசத்தலாக கிரிக்கெட் விளையாடுவதிலும், அதிக பணம் ஈட்டுவதிலும் இரண்டு முன்னணி நாடுகள் எது என்றால் அது இந்தியா, ஆஸ்திரேலியா தான். இரண்டு நாடுகளிலும் நாட்டின் பெரும்பாலான மக்கள் தொகையினர் தீவிர கிரிக்கெட் ரசிகர்களாக உள்ளனர்.

தீபாவளி வாழ்த்து

இந்த நிலையில், இந்தியாவின் முக்கிய பண்டிகையான தீபாவளி நாளில் இந்தியாவை மறக்காமல் தீபாவளி வாழ்த்து கூறி இருக்கின்றனர் ஆஸ்திரேலிய வீரர்களான ஸ்டீவ் ஸ்மித், டேவிட் வார்னர், முன்னாள் வீரர் மைக்கேல் கிளார்க் மற்றும் முன்னாள் ஆஸ்திரேலிய பயிற்சியாளர் டாம் மூடி.

இந்திய தொடர்பு

ஸ்மித் ராஜஸ்தான் ராயல்ஸ் ஐபிஎல் அணியிலும், டேவிட் வார்னர் சன்ரைசர்ஸ் ஹைதராபாத் அணியிலும் முக்கிய வீரர்களாக இருக்கின்றனர். டாம் மூடி சன்ரைசர்ஸ் அணிக்கு பயிற்சியாளராக இருந்தார். மைக்கேல் கிளார்க் ஸ்டார் ஸ்போர்ட்ஸ் தொலைக்காட்சியில் தொடர்ந்து வர்ணனையாளராக செயல்பட்டு வருகிறார்.

வாழ்த்து செய்தி

ஸ்டீவ் ஸ்மித் வெளியிட்டுள்ள வாழ்த்தில் "என் இந்திய நண்பர்களுக்கு தீபாவளி வாழ்த்துக்கள்" என கூறி இருக்கிறார். வார்னர் தன் பதிவில் "அனைவருக்கும் தீபாவளி வாழ்த்துக்கள்" என கூறி உள்ளார்.

கிறிஸ் கெயில் வாழ்த்து

இவர்களின் பதிவிற்கு லட்சகணக்கில் லைக்குகள் குவிந்து வருகின்றன. இந்திய ரசிகர்கள் இவர்கள் இருவரின் பதிவையும் பகிர்ந்து வருகின்றனர். கிறிஸ் கெயிலும் தீபாவளி வாழ்த்துக்கள் கூறி இருக்கிறார்.