பிபிஎல் டி20 லீக்
மெல்போர்ன் ரெனிகேட்ஸ் மற்றும் அடிலெய்ட் ஸ்ட்ரைக்கர்ஸ் இடையே நடைபெற்ற பிபிஎல் டி20 லீக் போட்டியில் தான் இந்த சம்பவம் நடைபெற்றது. அம்பயர் கிரெக் டேவிட்சன் தான் அந்த வேலையை செய்தது.
17வது ஓவரில் என்ன நடந்தது?
ரெனிகேட்ஸ் அணி சேஸிங் செய்த போது, 17 வது ஓவரில் இந்த சம்பவம் நடந்தது. ரஷீத் கான் ஒரு எல்பிடபிள்யூ அவுட் கேட்டு முறையிட்டார். அம்பயர் விரலை உயர்த்தத் தொடங்கினார்.
அம்பயர் மனம் மாறினார்
உடனே பேட்ஸ்மேன் பியூ வெப்ஸ்டர் நடக்க ஆரம்பித்தார். ரஷீத் கானும் கொண்டாடத் தொடங்கினார். இருப்பினும், அவருக்குப் பின்னால், அம்பயர் மனம் மாறி, மூக்கின் கீழ் விரலை வைத்து தேய்த்தார்.
ரஷித் கான் அதிர்ச்சி
இதை அறியாமல் சிறிது நேரம் விக்கெட் விழுந்ததாக குஷியில் இருந்த ரஷித் கான் என்ன நடந்தது என்பதை அறிந்து அதிர்ச்சியில் திரும்பினார். அம்பயர் அவரிடம் அதற்கு விளக்கம் கூறினார்.
ரஷீத் கான் ஆட்டநாயகன்
இறுதியில் அடிலெய்ட் ஸ்ட்ரைக்கர்ஸ் அணி இந்தப் போட்டியை 18 ரன்கள் வித்தியாசத்தில் வென்றது. வெப்ஸ்டர் கடைசி வரை ஆட்டமிழக்காமல் இருந்தார். ஆட்ட நாயகனாக சிறப்பாக பந்து வீசிய ரஷீத் கான் தேர்வு செய்யப்பட்டார்.
|
அதிர்ச்சியடைந்தேன்
போட்டிக்கு பின் அந்த நகைச்சுவை தருணம் குறித்து ரஷீத் கானிடம் கேட்கப்பட்டது. "நான் எனது கொண்டாட்டத்தையும் தொடங்கினேன், நடுவர் முடிவை மாற்றியதால் நான் அதிர்ச்சியடைந்தேன்," என்று கூறினார் ரஷித் கான்.
1997இல் நடந்த சம்பவம்
1997 ஆம் ஆண்டில் இலங்கைக்கு எதிரான ஒரு போட்டியில் அஜய் ஜடேஜா இதே போல அம்பயரிடம் தப்பி இருக்கிறார். அந்தப் போட்டியின் அம்பயர் ராமன் சர்மா கையை தூக்கி, பின் அவர் தனது தொப்பியை சரிசெய்து அவுட் கொடுக்காமல் தவிர்த்து சமாளித்தார்.