4வது போட்டி
ஐபிஎல்லின் 4வது போட்டி இன்று ராஜஸ்தான் ராயல்ஸ் அணி மற்றும் சிஎஸ் இடையில் ஷார்ஜாவில் இன்னும் சிறிது நேரத்தில் நடைபெறவுள்ளது. இதற்கென இரு அணிகளும் தயாராக உள்ள நிலையில், இந்த போட்டியில் ராஜஸ்தான் ராயல்ஸ் அணியின் முக்கிய வீரராக கருதப்படும் பென் ஸ்டோக்ஸ் பங்கேற்கவில்லை.
நியூசிலாந்தில் பயிற்சி
தன்னுடைய தந்தை ஜெரால்டிற்கு உடல்நலக் குறைவு ஏற்பட்டுள்ள காரணத்தால் அவர் நியூசிலாந்தின் கிறிஸ்ட்சர்ச்சில் தற்போது அவருடன் உள்ளார். ஆயினும் ஐபிஎல்லின் இரண்டாவது கட்ட போட்டிகளில் தான் பங்கேற்பேன் என்றும் அதற்கென நியூசிலாந்தில் தன்னுடைய பயிற்சிகளை துவக்கியுள்ளதாகவும் அவர் தெரிவித்துள்ளார்.
கேள்விக்குறியான ஐபிஎல் போட்டி
பாகிஸ்தானுக்கு எதிரான இங்கிலாந்து தொடரின் பாதியிலேயே தன்னுடைய தந்தையின் உடல்நல பாதிப்பு குறித்து கேள்வியுற்று ஸ்டோக்ஸ்நியூசிலாந்துக்கு பயணம் மேற்கொண்ட நிலையில், ஐபிஎல்லில் அவர் பங்கேற்பது கேள்விக்குறியானது. ஆயினும் அவர் உடல்நல பாதிப்புக்குள்ளான தன்னுடைய தந்தையுடன் நேரத்தை செலவழிக்க வேண்டும் என்று ராஜஸ்தான் ராயல்ஸ் வட்டாரங்கள் இரு வாரங்களுக்கு முன்பே தெரிவித்தன.
அணியின் பின்னடைவு
மேலும் பென் ஸ்டோக்ஸ் அணியின் முக்கிய வீரராக விளங்கும் நிலையில், அவருக்கு மாற்றாக வேறு ஒரு வீரரையும் அந்த அணி அறிவிக்கவில்லை. பென் ஸ்டோக்ஸ் போன்ற அனுபவமிக்க ஆல்ரவுண்டர் அணியில் இல்லாதது ராஜஸ்தான் ராயல்சுக்கு மிகவும் பின்னடைவாக உள்ளது. அவரது இருப்பை டாம் குர்ரான் ஓரளவிற்கு ஈடுசெய்வார் என்று எதிர்பார்க்கப்படுகிறது.