இங்கிலாந்து டாஸ் வென்று பேட்டிங்
இங்கிலாந்து மற்றும் தென்னாப்பிரிக்க அணிகள் மோதும் இரண்டாவது டெஸ்ட் போட்டி நியூலாண்டில் நடைபெற்று வருகிறது. கடந்த வெள்ளிக்கிழமை துவங்கிய இந்த போட்டியில் இங்கிலாந்து அணி டாஸ் வென்று பேட்டிங்கை தேர்வு செய்தது.
பென் ஸ்டோக்ஸ் சாதனை
இந்த போட்டியின் இரண்டாவது இன்னிங்சில் இங்கிலாந்தின் ஆல்-ரவுண்டர் புதிய சாதனையை நிகழ்த்தியுள்ளார். ஒரே இன்னிங்சில் 5 கேட்சுகளை பிடித்த முதல் இங்கிலாந்து வீரர் என்ற பெருமையை அவர் பெற்றுள்ளார்.
11 வீரர்களை தொடர்ந்த பென் ஸ்டோக்ஸ்
முன்னதாக முகமது அசாருதீன், ஸ்டீபன் பிளமிங், க்ரீம் ஸ்மித், ஸ்டீவ் ஸ்மித் உள்ளிட்ட 11 வீரர்களே உலக அளவில் இந்த சாதனையை நிகழ்த்தியுள்ள நிலையில் தற்போது இங்கிலாந்திலிருந்து இந்த சாதனையை புரிந்த முதல் வீரர் என்ற பெருமை பென் ஸ்டோக்சிற்கு கிடைத்துள்ளது.
சமீபத்தில் சாதித்த வீரர்
கடந்த 2018ல் ஆஸ்திரேலிய வீரர் ஸ்டீவ் ஸ்மித் இந்த சாதனையை நிகழ்த்தியுள்ள நிலையில் தற்போது அவரை பென் ஸ்டோக்ஸ் பின்தொடர்கிறார். ஸ்டீவ் ஸ்மித்தும் நியூலாண்டிலேயே இந்த சாதனையை நிகழ்த்தியது குறிப்பிடத்தக்கது.