வெற்றி அணிகள்
ஐபிஎல்லில் மும்பை இந்தியன்ஸ், சிஸ்கே ஆகியவை வெற்றிகர அணிகளாக வலம் வருகின்றன. அவற்றிற்கு அடுத்ததாக கொல்கத்தா நைட் ரைடர்ஸ், சன்ரைசர்ஸ் அணிகள் திகழ்கின்றன.
புதிய கோச் நியமனம்
இந்நிலையில், அணிக்கு புது உத்வேகம் கொடுக்க நினைத்த சன்ரைசர்ஸ் அணி, டாம் மூடியை நீக்கியது. அவருக்கு பதிலாக, டிரெவர் பேலிஸ் புதிய தலைமை பயிற்சியாளராக அண்மையில் நியமனம் செய்யப்பட்டார்.
துணை பயிற்சியாளர் ஹேடின்
இந்நிலையில், சன்ரைசர்ஸ் அணியின் உதவி பயிற்சியாளராக ஆஸ்திரேலிய முன்னாள் வீரர் பிராட் ஹேடின் நியமிக்கப்பட்டுள்ளார். பிராட் ஹேடின் ஐபிஎல்லில் 2011ம் ஆண்டு சீசனில் மட்டும்தான் ஆடினார். அந்த சீசனில் கொல்கத்தா அணியில் இடம்பெற்றிருந்தார். அதன்பின்னர் ஐபிஎல் தொடரில் எந்த போட்டியிலும் அவர் ஆடவில்லை.
அசாத்திய அனுபவம்
ஹேடின், சன்ரைசர்ஸ் அணியின் தலைமை பயிற்சியாளராக நியமிக்கப் பட்டுள்ள டிரெவர் பேலிசுடன் பணியாற்றிய அனுபவம் கொண்டவர். ஹேடின் தலைமையிலான சிட்னி சிக்சர்ஸ் அணி 2012ம் ஆண்டு சாம்பியன்ஸ் லீக்கை வென்றது.
கூடுதல் பலம்
அப்போது அந்த அணியின் பயிற்சியாளராக இருந்தவர் பேலிஸ். இருவரும் தற்போது மீண்டும் இணைந்து சன்ரைசர்ஸ் அணிக்கு பயிற்சியாளர்களாக ஆக்கப்பட்டிருப்பது அந்த அணிக்கு பலமாகும்.