சென்னை: சென்னை சூப்பர் கிங்ஸ் அணியின் நட்சத்திர வீரர் பிராவோ, சக வீரர் மோனு சிங்கிற்கு மொட்டை அடித்துவிட்ட வீடியோ இணையத்தில் தாறுமாறாக வைரலாகி உள்ளது.
மேற்கிந்தி தீவுகள் அணியின் டுவைன் பிராவோ, சிறந்த ஆல்ரவுண்டர். அதே நேரத்தில் கலாட்டா பண்ணுவதில் அவருக்கு நிகர் அவர் தான். 2008ம் ஆண்டு முதல் ஐபிஎல் மூன்று சீசன்களில் மும்பை இந்தியன்சுக்காக விளையாடினார்.
2011ம் ஆண்டு முதல் சென்னை சூப்பர் கிங்ஸ் அணியில் பிராவோ இணைந்தார். அண்மையில் சென்னை அணிக்காக 100 விக்கெட்டுகளை வீழ்த்திய முதல் வீரர் என்ற பெருமையை பெற்றார்.
மைதானத்திலும் சரி... ஓய்வறையிலும் சரி... பிராவோவின் விளையாட்டுகள் ஏக பிரசித்தம். அதனால், அவருக்கு என்றே தனி ரசிகர் கூட்டம் இருக்கிறது. இந்நிலையில், பிராவோ, தனது அணியின் சக வீரர் மோனு சிங்கிற்கு மொட்டை அடித்துவிட்டார்.
When Champion gave Monu Singh a new #Thala! #5000Increment #Kashmonu #WhistlePodu #Yellove 🦁💛 @DJBravo47 pic.twitter.com/FYw0iTKVlm
— Chennai Super Kings (@ChennaiIPL) April 8, 2019
இந்த வீடியோவை சென்னை அணி தனது ட்விட்டரில் பகிர்ந்துள்ளது. அதில், மோனு சிங்கிற்கு புதுவிதமான ஹேர் ஸ்டைல் ஒன்றை பிராவோ செய்து விடுகிறார். அந்த வீடியோ சமூக வலை தளங்களில் வெகு வேகமாக வைரலாகி வருகிறது.