தென்னாப்பிரிக்க டூர்
இரு அணிகளுக்கு இடையேயும் முதலில் 3 டெஸ்ட் போட்டிகள், 3 ஒருநாள் போட்டிகள் மற்றும் 4 டி20 போட்டிகள் கொண்ட நீண்ட தொடர் நடைபெறவிருந்தது. டிசம்பர் 16ம் தேதி முதல் தொடங்கவிருந்தது. ஆனால் தென்னாப்பிரிக்காவில் ஓமிக்ரான் என்ற புதுவகை கொரோனா வேகமாக பரவி வருவதால், இந்திய அணியின் புறப்பாடு ஒத்திவைக்கப்பட்டுள்ளது. இதே போல வீரர்கள் தேர்வும் நிறுத்திவைக்கப்பட்டுள்ளது.
முக்கிய அறிவிப்பு
இந்நிலையில் இரு அணிகளுக்கும் இடையேயான மாற்றியமைக்கப்பட்ட போட்டி அட்டவணைகள் வெளியிடப்பட்டுள்ளது. அதில் 4 போட்டிகள் கொண்ட டி20 தொடர் முற்றிலுமாக நீக்கப்பட்டுள்ளது. மேலும் முதல் டெஸ்ட் போட்டி டிசம்பர் 26ம் தேதி முதல் தொடங்குகிறது. ஒருநாள் போட்டி தொடர் ஜனவரி 19ம் தேதி முதல் தொடங்கவுள்ளது. மொத்தம் 4 மைதானங்களில் ஆட்டத்திற்கான ஏற்பாடு செய்யப்பட்டுள்ளது.
போட்டி அட்டவணை
முதல் டெஸ்ட் போட்டி = 2021 டிசம்பர் 26 - 30
2வது டெஸ்ட் போட்ட் = 2022 ஜனவரி 3 - 7
3வது டெஸ்ட் போட்டி = 2022 ஜனவரி 11 - 15
முதல் ஒருநாள் போட்டி = 2022 ஜனவரி 19
2வது ஒருநாள் போட்டி = 2022 ஜனவரி 21
3வது ஒருநாள் போட்டி = 2022 ஜனவரி 23
Recommended Video
போட்டி நேரங்கள் என்ன?
முதல் 2 டெஸ்ட் போட்டிகளை பொறுத்தவரையில் இந்திய நேரப்படி மதியம் 1 மணிக்கு தொடங்கவுள்ளது. 3வது டெஸ்ட் போட்டி மதியம் 1.30 மணிக்கு தொடங்குகிறது. ஒருநாள் போட்டிகள் அனைத்தும் இந்திய நேரப்படி மதியம் 1 மணிக்கு தொடங்கும் என அறிவிக்கப்பட்டுள்ளது. ரத்து செய்யப்பட்ட டி20 தொடர் அடுத்தாண்டு வேறு ஏதேனும் நாட்களில் நடத்தப்படும் எனக்கூறப்படுகிறது.