அதிரடி ஆட்டம்
இந்திய அணியின் டாப் ஆர்டர் மிக வேகமாக சரிந்த போதெல்லாம், தோனி - சுரேஷ் ரெய்னா ஜோடி பல முறை காப்பாற்றியுள்ளது. இன்னும் தெளிவாக சொல்லப்போனால் தோனியின் மனநிலையை புரிந்துக்கொண்டு அவருக்கு ஏற்ற சரியான பார்ட்னர்ஷிப் கொடுக்க கூடியவர் ரெய்னாவே ஆகும். இந்நிலையில் இவரின் வாழ்க்கையை படமாக்க திட்டம் போடப்பட்டு வருகிறது.
வாழ்க்கை படம்
சச்சின் டெண்டுல்கர், மகேந்திரசிங் தோனி, மேரி கோம் போன்ற விளையாட்டு வீரர்களின் வாழ்க்கை வரலாற்றை படமாக எடுக்கப்பட்டு, அவை பெரிய வெற்றிகளை பெற்றது. சமீபத்தில் தமிழக வீரர் டி நடராஜனின் வாழ்கை வரலாற்றை கூட படமாக்கப்படுவதாக கூறப்பட்டது. இந்நிலையில் ரெய்னாவின் வரலாற்றைப் படமாக எடுக்க சில இயக்குநர்கள் பேச்சுவார்த்தை நடத்தி வருவதாக கூறப்படுகிறது.
யார் ஹீரோ
சமீபத்தில் இதுகுறித்து சுரேஷ் ரெய்னாவிடம் உங்கள் வாழ்க்கை வரலாறு படத்தில் யாரை ஹீரோவாக போட்டால் நன்றாக இருக்கும்? எனக் கேள்வி கேட்கப்பட்டது. அதற்குப் பதிலளித்த ரெய்னா நடிகர் சூர்யாதான் எனது கதாப்பாத்திரத்திற்கு பொருத்தமாக இருப்பார். ஏனென்றால் அவரின் நடிப்பு எனக்கு ரொம்ப பிடிக்கும். அவர், தான் நடிக்கும் கதாபாத்திரத்திற்காக நிறைய உழைக்கிறார் எனத்தெரிவித்துள்ளார்.
ட்ரெண்டாக்கும் ரசிகர்கள்
வழக்கமாக விளையாட்டு வீரர்களின் வாழ்கை வரலாற்று படங்களில் பாலிவுட் பிரபலங்கள் தான் பெரும்பாலும் நடிப்பார்கள். ஆனால் சுரேஷ் ரெய்னாவோ, தனக்கு பாலிவுட் நடிகர்கள் வேண்டாம், தமிழ் நடிகர் தான் வேண்டும் எனக்கூறியிருப்பதை ரசிகர்கள் ட்ரெண்டாக்கி வருகின்றனர்.