சிஎஸ்கே டாப்
இந்த 10 சிக்சர்கள் மூலம், ஒரு சீசனில் அதிக சிக்சர்கள் அடித்த அணி என்ற பெருமையை சிஎஸ்கே பெற்றுள்ளது. சிஎஸ்கே 145 சிக்சர்கள் அடித்துள்ளது. ஐபிஎல் வரலாற்றிலேயே இதுதான் மிகவும் அதிகமாகும். பெங்களூர் அணி, 2016ல் 142 சிக்சர்கள் அடித்தது.
கோஹ்லி சாதனை
அந்த சீசனில் பெங்களூர் கேப்டன் விராட் கோஹ்லி 38 சிக்சர்கள் அடித்தார். ஒரு சீசனில் அதிக சிக்சர்கள் அடித்த வீரர் என்ற பெருமை கோஹ்லியிடமே உள்ளது. அப்போது டிவில்லியர்ஸ் 37, கிறிஸ் கெயில் 21 சிக்சர்கள் அடித்தனர்.
பறக்க விட்ட வாட்சன்
இந்த சீசனில் 145 சிக்சர்கள் அடித்து, ஒரு சீசனில் அதிக சிக்சர்கள் அடித்த சாதனையை சிஎஸ்கே பெற்றுள்ளது. வாட்சன் அதிகபட்சமாக 35 சிக்சர்கள் அடித்துள்ளார். அம்பதி ராயுடு 34, கேப்டன் மகேந்திர சிங் தோனி 30 சிக்சர்களை பறக்க விட்டனர். ரெய்னா 12, பிராவோ 10 சிக்சர்கள் அடித்தனர்.
கொல்கத்தா 3வது இடம்
ஒரு சீசனில் அதிக சிக்சர்கள் அடித்த அணிகளில் கொல்கத்தா இந்த சீசனில் 130 சிக்சர்கள் அடித்து மூன்றாவது இடத்தில் உள்ளது. பஞ்சாப் 2014ல் 127 சிக்சர்கள் அடித்து 4வது இடத்தில் உள்ளது. மும்பை 2015ல் 120 சிக்சர்கள் அடித்து 5வது இடத்தில் உள்ளது.