ஸ்காட் ஸ்டைரிஸ் கருத்து
நியூசிலாந்து முன்னாள் விரர் ஸ்காட் ஸ்டைரிஸ் சென்னை சூப்பர் கிங்ஸ் அணியை புகழ்ந்து பேசியுள்ளார். சென்னை சூப்பர் கிங்ஸ் அணி பல தரமான வீரர்களை உருவாக்கியுள்ளது. தொடர்ந்து ஸ்திரமாக ஆடி வருகிறது. மும்பையை விட ஒரு கோப்பை குறைவாக இருந்தாலும் கூட நிறைவான ஆட்டத்தைக் கொடுத்துள்ளது. இவர்களிடம் உள்ள ஸ்திரத்தன்மையைப் போல வேறு எந்த அணியிலும் நான் கண்டதில்லை என்று அவர் கூறியுள்ளார்.
போகாத இடமே கிடையாதுப்பு!
அவர்கள் போகாத இறுதிப் போட்டியே கிடையாது. அதிக அளவிலான நாக் அவுட் போட்டிகளில் வெற்றி பெற்றுள்ளனர். 3 முறை சாம்பியனாகியுள்ளனர். இதுதான் ஒரு அணி ஸ்திரமாக இருக்கிறது என்பதற்கான முக்கிய காரணி. மிகச் சிறந்த வீரர்களை இந்த அணி உருவாக்கியுள்ளது. அனைத்து வளரும் வீரர்களுக்கும் இது பெரிய உத்வேகமாக அமையும். சிறந்த பினிஷரான தோனி இந்த அணியில் இருக்கிறார். தோனியா, மலிங்காவா என்ற போட்டி வரும்போது தோனிதான் உயர்ந்து நிற்கிறார் என்றார் ஸ்டைரிஸ்
வந்துட்டாரு மஞ்ச்ரேகர்
ஆனால் ஸ்டைரிஸ் சொல்வதை ஏற்க முடியாது என்று முன்னாள் கிரிக்கெட் வர்ணனையாளர் சஞ்சய் மஞ்ச்ரேகர் மறுத்துள்ளார். அவர் கூறுகையில், கடந்த சில ஆண்டுகளாக சென்னை அணிக்கு மிகப் பெரிய சவாலாக உருவெடுத்துள்ளது மும்பை இந்தியன்ஸ். கடந்த 12 வருடமாக இந்தத் தொடர் நடந்து வருகிறது. இதில் வெற்றி சதவீதத்தைப் பாருங்கள். அதில் ஆரம்பத்தில் சென்னைதான் முதலில் இருந்தது. ஆனால் சமீப ஆண்டுகளாக அதற்கு மும்பை இந்தியன்ஸ் நல்ல சவாலைக் கொடுத்து வருகிறது. நல்ல உயர்வையும் கண்டுள்ளது என்று அவர் தெரிவித்துள்ளார்.
நல்லா சவால் விடுதே
வெற்றி பெறுவதில் மட்டுமல்லாமல் கோப்பைகளை வெல்லுவதிலும் மும்பை இந்தியன்ஸ் சாதனை படைத்துள்ளது. சென்னைக்கு 3 கோப்பைகள்தான் கிடைத்துள்ளன. ஆனால் மும்பை இந்தியன்ஸ் அணி 4 கோப்பைகளை வென்றுள்ளது. அதை மறுக்க முடியாது. சென்னை சூப்பர் கிங்ஸுக்கு சரியான சவாலாக மும்பை இந்தியன்ஸ் உருவெடுத்துள்ளது. மும்பை இந்தியன்ஸும், சென்னையும் இறுதிப் போட்டிக்கு வந்தால் கோப்பையை வெல்லும் உறுதி சென்னையை விட மும்பையிடம்தான் வலுவாக உள்ளது என்றார் மஞ்ச்ரேகர்.