வித்தியாச முகமூடியுடன் சமி
இந்தத் தொடர் தற்போது நாக்அவுட் போட்டிகள் வரை வந்து தள்ளிப் போடப்பட்டு விட்டது. காரணம் இந்த பாடாய்ப்படுத்தும் கொரோனா வைரஸ்தான். இதையடுத்து செயின்ட் லூசியா திரும்பினார் சமி. ஊருக்கு வந்தவர் தனது குசும்புத்தனத்தையும் கூடவே கூட்டி வந்தார்.. இதுதான் வேடிக்கையாகும். அந்த குசும்புத்தனத்தை அவர் வீடியோவாகவும் எடுத்து போட்டுள்ளார்.
செயின்ட் லூசியாவுக்குத் திரும்பினார்
நாக் அவுட் போட்டிகள் தள்ளிப் போடப்பட்டதைத் தொடர்ந்து பாகிஸ்தானிலிருந்து கிளம்பி செயின்ட் லூசியா வந்து சேர்ந்தார் சமி. வந்தவர் படு வித்தியாசமான தோற்றத்துடன் தனது ஊருக்கு வந்தார். எப்படி தெரியுமா.. அவரது முகமே தெரியாத அளவுக்கு வித்தியாசமான மாஸ்க்குடன் காணப்பட்டார். வைரஸ் மட்டுமல்ல.. ஒரு சாதாரண கொசு கூட அவரது முகம் வழியாக ஊடுறுவ முடியாது. அந்த அளவுக்கு டைட்டான மாஸ்க் அது.
வித்தியாச முகமூடியுடன் ரிட்டர்ன்
இப்படிப்பட்ட முகமூடியுடன் செயின்ட் லூசியா விமான நிலையத்தில் அவர் தன்னைத் தானே செல்பி வீடியோ எடுத்தபடி வந்தார். இந்த வீடியோவை இன்ஸ்டாகிராமிலும் போட்டார். தலையை இங்குமங்குமாக ஆட்டியபடி என்னை எந்த வைரஸும் ஒன்றும் செய்ய முடியாது என்று சொல்லாமல் சொல்லிக் கொண்டார். யாருமே ஈஸியாக அடையாளமும் காண முடியாதபடி ஒரு மாஸ்க் இது.
கொரோனாவே மோதிப் பார்
இந்த வீடியோவைப் போட்டு கீழே "Me vs #covid_19" என்றும் கேப்ஷன் கொடுத்து கொரோனாவை வம்பிக்கிழுத்துள்ளார் சமி. பாகிஸ்தான் பிரிமீயர் லீக் போட்டியில் பெஷாவர் அணியில் சில ஆண்டுகளாகவே ஆடி வந்தார் சமி. நடப்புத் தொடரிலும் அவர் பங்கேற்றார். ஆனால் பாதி தொடரிலேயே கேப்டன் பதவியிலிருந்து இவரை மாற்றி விட்டு வஹாப் ரியாஸ் நியமிக்கப்பட்டார். சமியை தலைமைப் பயிற்சியாளராக்கி விட்டார்கள்.