எனக்கு மகிழ்ச்சி
தான் பாரத் மேட்ரிமோனி நிறுவனத்தின் விளம்பர தூதராக இருப்பது பற்றி கூறிய தோனி, "இணையத்தில் முன்னணியில் இருக்கும் பாரத் மேட்ரிமோனி நிறுவனத்துடன் ஒப்பந்தம் செய்து கொண்டதில் எனக்கு மகிழ்ச்சி" என கூறியுள்ளார்.
நிர்வாகக் கூட்டத்தில் தோனி
சமீபத்தில் தோனி இந்தியா சிமெண்ட்ஸ் நிர்வாகக் கூட்டத்தில் கலந்து கொண்டதும் முக்கியமான நிகழ்வாகும். தோனி இனி ஒருநாள் போட்டிகளில் மட்டுமே ஆட உள்ள நிலையில், ஓய்வு நேரங்களில் அலுவலக பணியில் கூட ஈடுபடலாம் என கூறப்பட்டது.
வரன் பார்த்துக் கொடுப்பார் தோனி
அதை தொடர்ந்து இப்போது புதிய விளம்பர வாய்ப்புகளும் அவரை நோக்கி படையெடுத்து வருகின்றன. இனி விரைவில் தோனி கல்யாணத்திற்கு வரன் பார்த்து கொடுக்கப் போகிறார் என மீம்ஸ்கள் பறக்கும் என்பதில் சந்தேகம் இல்லை.
அரசியலில் தோனி?
ஒன்று மட்டும் தெளிவாக தெரிகிறது. தோனி கிரிக்கெட்டை விட்டு ஓய்வு பெற்றாலும், மக்கள் மத்தியில் அவருக்கு நல்ல செல்வாக்கு இருக்கும். ஏற்கனவே, அவரை அரசியலுக்கு இழுக்க சில முயற்சிகள் நடந்து வருவதாக செய்திகள் கசிந்தன. தேர்தல் சமயத்தில் தோனி அரசியல் தூதராக "அந்த" கட்சிக்கு பிரச்சாரம் செய்வார் என செய்தி வந்தாலும் வரலாம்.