முதல் டெஸ்ட்
இங்கிலாந்து - வெஸ்ட் இண்டீஸ் அணிகள் இடையே ஆன முதல் டெஸ்ட் போட்டியில் இங்கிலாந்து அணி டாஸ் வென்று பேட்டிங் தேர்வு செய்தது. முதல் நாள் ஆட்டம் மழையால் பெரிதும் பாதிக்கப்பட்டது. முதல் நாள் 17.4 ஓவர்கள் மட்டுமே வீசப்பட்டது.
பேட்டிங்கில் கோட்டை விட்டது
இந்த நிலையில், அடுத்த நான்கு நாட்களுக்குள் வெற்றி - தோல்வியை காண இரு அணிகளும் போராடத் துவங்கின. இங்கிலாந்து அணி முதல் இன்னிங்க்ஸில் பேட்டிங்கில் கோட்டை விட்டது. 204 ரன்கள் மட்டுமே எடுத்து ஆட்டமிழந்தது.
318 ரன்கள்
அடுத்து வெஸ்ட் இண்டீஸ் அணி முதல் இன்னிங்க்ஸில் 318 ரன்கள் குவித்தது. பிராத்வைட் 65, ராஸ்டன் சேஸ் 47, டவ்ரிச் 61 ரன்கள் குவித்து வெஸ்ட் இண்டீஸ் அணிக்கு பெரிய அளவில் உதவினர். முதல் இன்னிங்க்ஸில் அந்த அணி 114 ரன்கள் முன்னிலை பெற்றது.
இரண்டாம் இன்னிங்க்ஸ்
இங்கிலாந்து அணி இரண்டாம் இன்னிங்க்ஸ் ஆடத் துவங்கியது. மூன்றாம் நாள் இறுதியில் விக்கெட் இழப்பின்றி இருந்தது. இந்த நிலையில், நான்காம் நாள் துவக்கத்தில் ரன் சேர்த்த பர்ன்ஸ் 42 ரன்களில் ஆட்டமிழந்தார். சிப்லி மற்றும் டென்லி தொடர்ந்து பேட்டிங் செய்து வந்தனர்.
கடைசி நாள் ஆட்டத்தில்..
இங்கிலாந்து அணி 48 ஓவர்கள் முடிவில் 1 விக்கெட் இழப்பிற்கு 98 ரன்கள் எடுத்துள்ளது. நான்காம் நாளுக்குள் இங்கிலாந்து அணி 350 ரன்களை எட்டினால், கடைசி நாள் ஆட்டத்தில் வெஸ்ட் இண்டீஸ் அணிக்கு அழுத்தம் கொடுத்து வெற்றி பெற முடியும்.
டிரா ஆக வாய்ப்பு
எனினும், இங்கிலாந்து அணி மந்தமாகவே ஆடி வருகிறது. அதனால், விக்கெட் இழக்காமல் ஆடினால் ஐந்தாம் நாள் வரை இங்கிலாந்து அணி பேட்டிங் ஆடும். அப்படி நடக்கும் பட்சத்தில் போட்டி டிரா ஆக வாய்ப்பு உள்ளது.
மழை
ஒருவேளை வெஸ்ட் இண்டீஸ் அணி விரைவாக விக்கெட்களை வீழ்த்தி 200 ரன்களுக்கும் குறைவான வெற்றி இலக்கை பெற்றால், அந்த அணி வெற்றி பெற அதிக வாய்ப்பு உள்ளது. மழை குறுக்கிட்டாலும் இந்தப்ப் போட்டி டிராவில் முடியக் கூடும்.