நியூசி 329 ஆட்டமிழப்பு
வில் யங் 20 ரன்களும், கேப்டன் வில்லியம்சன் 31 ரன்களும் எடுத்தனர். கான்வே 26 ரன்கள்.ஹேன்ரி நிக்கோலஸ் 19 ரன்களும் எடுத்து அடுத்தடுத்து தங்களது விக்கெட்டை பறிகொடுத்தனர். இதனையடுத்து சரிவிலிருந்த நியூசிலாந்து அணியை டேரல் மிட்செல் சதம் விளாசினார். டாம் பிளான்டல் தன் பங்கிற்கு 55 ரன்கள் எடுத்தார். இதனால் நியூசிலாந்து அணி 329 ரன்களுக்கு ஆட்டமிழந்தது.
ஸ்டம்புகள் சிதறின
இதனையடுத்து, இங்கிலாந்து அணி தனது முதல் இன்னிங்சில் விளையாடியது. நியூசிலாந்து அணியின் டிரெண்ட் பவுல்ட், தனது அனல் பறக்கும் பந்துவீச்சை வீச, இங்கிலாந்து பேட்ஸ்மேன்கள், அதனை எதிர்கொள்ள முடியாமல் அடுத்தடுத்து வெளியேறினார். அலக்ஸ் லீக், ஷாக் கிராலி மற்றும் போப் ஆகியோர் பவுல்ட் பந்துவீச்சில் ஸ்டம்ப் சிதற ஆட்டமிழந்தார்.
இங்கிலாந்து 55/6
பெரிதும் எதிர்பார்க்கப்பட்ட ஜோ ரூட், 5 ரன்களில் சௌதி பந்துவீச்சில் வெளியேறினார். பென் ஸ்டோக்ஸ் அதிரடியாக விளையாடி 13 பந்துகளில் 18 ரன்கள் குவித்த நிலையில், அவரும் ஆட்டமிழந்தார். இதனையடுத்து 55 ரன்கள் சேர்ப்பதற்குள் இங்கிலாந்து அணி 6 விக்கெட்டை இழந்தது. இதில் 12வது ஓவரில் வாக்னர் வீசிய போது 2 விக்கெட்டுகள் இழந்தது.
பாரிஸ்டோ அரைசதம்
இதனையடுத்து, தடுமாறிய இங்கிலாந்து அணியை பாரிஸ்டோ தனி ஆளாக நின்று அரைசதம் விளாசினார். தற்போது, இங்கிலாந்து அணி 6 விக்கெட்டுகளை இழந்து 131 ரன்கள் எடுத்து விளையாடி வருகிறது. முதல் வெற்றியை பெறுவதற்காக நியூசிலாந்து அணியும், ஹாட்ரிக் வெற்றி பெற இங்கிலாந்தும் போராடி வருகிறது.