சோக சம்பவம்
இந்நிலையில் நேற்று கமெண்ட்டேட்டரி செய்துக்கொண்டிருந்த போது எதிர்பாராத சம்பவம் ஒன்று ஏற்பட்டது. ஆஸ்திரேலியாவுக்கு சுற்றுப்பயணம் மேற்கொண்டுள்ள மேற்கிந்திய தீவுகள் அணி 2 போட்டிகள் கொண்ட டெஸ்ட் கிரிக்கெட் தொடரில் மோதி வருகிறது. முதல் டெஸ்ட் போட்டியின் 3வது நாளான நேற்று ரிக்கிப் பாண்டிங் வர்ணனையாளராக செயல்பட்டு வந்தார். அப்போது திடீரென அவருக்கு நெஞ்சு வலி ஏற்பட்டு தடுமாறியுள்ளார்.
உடல்நலக்குறைவு
உணவு இடைவேளையின் போது அவர் தடுமாறியதை பார்த்த பாதுகாப்பு அதிகாரிகள்,உடனடியாக அவரை ஆம்புலன்ஸ் மூலம் வேகமாக மருத்துவமனைக்கு கொண்டு சென்றனர். அங்கு அவருக்கு தீவிர சிகிச்சை கொடுக்கப்பட்டது. இதனால் அவருக்கு என்ன ஆகுமோ? ஏது ஆகுமோ? என கிரிக்கெட் ரசிகர்கள் பதற்றத்தில் ஆழ்ந்தனர்.
புதிய அப்டேட்
இந்நிலையில் அவரின் உடல்நிலை குறித்து புதிய தகவல் வெளியாகியுள்ளது. அதில், ரிக்கிப் பாண்டிங்கிற்கு அளிக்கப்பட்ட முதற்கட்ட சிகிச்சையில் அவருக்கு பெரியளவிலான பாதிப்பு ஏற்படவில்லை எனக்கூறப்பட்டுள்ளது. இதனால் மாலை வரை கண்காணிப்பில் வைத்துவிட்டு, அவர் டிஸ்சார்ச் செய்யப்பட்டுள்ளார். இதுமட்டுமல்லாமல் ரசிகர்களுக்கு ஆச்சரியம் தரும் வகையில் மீண்டும் வர்ணனை செய்யவே வந்துவிட்டார்.
துரத்தும் நெஞ்சு வலி
இந்தாண்டு ஆஸ்திரேலிய முன்னாள் வீரர்களை நெஞ்சு வலி என்பது விடாமல் துரத்தி வருகிறது. இந்தாண்டு மிகப்பெரிய ஜாம்பவான்களான ஷேன் வார்னே மற்றும் ராட் மார்ஷ் ஆகிய இருவரும் நெஞ்சு வலி காரணமாக துரதிஷ்டவசமாக உயிரிழந்தனர். டீன் ஜோன்ஸும் கடந்த செப்டம்பர் மாதம் நெஞ்சுவலி காரணமாக உயிரிழந்தார் என்பது குறிப்பிடத்தக்கது.
அட்டகாச ரெக்கார்ட்
90களில் கிரிக்கெட் ஹீரோவாக வலம் வந்த ரிக்கிப் பாண்டிங் இதுவரை 168 டெஸ்ட் போட்டிகளில் விளையாடி 13,378 ரன்களை அடித்துள்ளார். இதே போல 375 ஒருநாள் போட்டிகளில் 13,704 ரன்களும் விளாசியுள்ளார். இதில் 30 சதங்களும், 82 அரைசதங்களும் அடங்கும்.