வார்னேவின் விளம்பரம்
இங்கிலாந்தின் டெஸ்ட் கம்பேக், நியூசிலாந்தின் விடாப்பிடி போராட்டம் என சுவாரஸ்யமாக நடந்து வரும் இப்போட்டியில் ஒளிபரப்பாளர்களால் புதிய சர்ச்சை கிளம்பியுள்ளது. நேரடி ஒளிபரப்பை செய்து வந்த ஸ்கை ஸ்போர்ட்ஸ் தொலைக்காட்சியில் திடீரென ஷேன் வார்னேவின் விளம்பரம் வந்தததால் ரசிகர்கள் அதிர்ச்சியடைந்தனர்.
காரணம் என்ன
முன்னாள் கிரிக்கெட் ஜாம்பவான் ஷேன் வார்னே, கடந்த மார்ச் மாதம் திடீர் மாரடைப்பால் உயிரிழந்தார். இவரை இழந்த துக்கம் தாங்க முடியாமல் உலகம் முழுவதும் உள்ள ரசிகர்கள் கண்ணீர் அஞ்சலி செலுத்தினர். இப்படி இருக்கையில் மறைந்த ஒருவரின் விளம்பரத்தை, தனது சுயலாபத்திற்காக மீண்டும் பயன்படுத்துவது சரிதானா??? என ரசிகர்கள் கொந்தளித்துள்ளனர்.
என்ன நடவடிக்கை
தலைமுடி சம்பந்தப்பட்ட ஒரு க்ளீனிக் குறித்த அந்த விளம்பரத்தில் ஷேன் வார்னே தோன்றிய வீடியோ தற்போது இணையத்தில் வேகமாக பரவி வருகிறது. இந்த செயலுக்கு இங்கிலாந்து கிரிக்கெட் வாரியம் நிச்சயம் நடவடிக்கை எடுக்கும் என எதிர்பார்க்கப்படுகிறது.
ஸ்கோர் விவரம்
விறுவிறுப்பாக நடைபெற்று வரும் இந்த போட்டியில் முதலில் பேட்டிங் செய்த நியூசிலாந்து அணி முதல் இன்னிங்ஸில் 329 ரன்களுக்கு ஆட்டமிழந்தது. இதன்பின் ஆடிய இங்கிலாந்து அணி 264/6 ரன்களை எடுத்து விளையாடி வருகிறது.