Click it and Unblock the Notifications
மும்பையை வீழ்த்தியிருந்தது
இதில் குறிப்பிடத்தக்க அம்சம், அந்த அணி, லீக் சுற்றில் இருமுறையும், குவாலிபையர்-1 சுற்றில் ஒருமுறையும் மும்பை அணியை வென்றிருந்தது.
புனே வெற்றி
இவ்விரு அணிகளும் மோதிய முதல் லீக் ஆட்டத்தில், மும்பை 7 விக்கெட்டுகள் வித்தியாசத்தில் தோல்வியடைந்தது. புனே கேப்டன் 54 பந்துகளில் விளாசிய 84 ரன்கள் புனே வெற்றிக்கு முக்கிய காரணம்.
2வது லீக் ஆட்டம்
இவ்விரு அணிகளும் மோதிய இரண்டாவது லீக் ஆட்டத்தில் மும்பை அணி 3 ரன்கள் வித்தியாசத்தில் தோல்வியடைந்தது. இறுதி கட்டத்தில் புனே பவுலிங், ஃபீல்டிங் அருமையாக இருந்தது. ஜெய்தேவ் உனட்கட் வீசிய கடைசி ஓவரால் புனே அணி வெற்றி உறுதிப்பட்டது.
3வது ஆட்டம்
இதையடுத்து இவ்விரு அணிகளும், 3வது முறையாக மோத வேண்டிய நிலை ஏற்பட்டது. புள்ளிப் பட்டியலில் முதல் இரு இடங்ககளை பிடித்ததால் குவாலிபையர்-1 சுற்றில் இவ்விரு அணிகளும்தான் மோதின. அதில் இறுதிகட்டத்தில் டோணி 26 பந்துகளில் 40 ரன்கள் விளாசியதும், புனே, வாஷிங்டன் சுந்தர் பந்து வீச்சும், ஆரம்பத்தில் ரஹானே விளாசிய 56 மற்றும் திவாரியின் 58 ரன்களும் புனே வெற்றிக்கு வழி வகுத்தன. மும்பை அணி அதில் 20 ரன்கள் வித்தியாசத்தில் புனேயிடம் தோற்றது. இதையடுத்து குவாலிபையர்-2 போட்டியில் ஹைதராபாத் அணியை தோற்கடித்துவிட்டு பைனலுக்கு வந்து மீண்டும் புனேயுடன் மோதியது மும்பை இந்தியன்ஸ் அணி.
எம்ஜிஆர், ரஜினி
இந்த நிலையில் பைனல் போட்டியில் 1 ரன் வித்தியாசத்தில் மும்பை அணி வெற்றி பெற்றது. எம்ஜிஆர், ரஜினி படங்களில் 3 முறை அடி வாங்கிவிட்டு ஹீரோ 4வதாக திருப்பியடிப்பாரே அப்படி திருப்பி கொடுத்துள்ளது மும்பை.
