43 சதங்கள் சாதனை
குறிப்பாக ஆப் திசையில் அவர் அடிக்கும் ஷாட்டுகள் டாப்கிளாஸ் ரகம். அதில் அவர் ஜாம்பவானும் கூட. வெஸ்ட் இண்டீஸுக்கு எதிரான 2 ஒருநாள் போட்டிகளிலும் சதமடித்த கோலி, ஒருநாள் கிரிக்கெட் அரங்கில் 43 சதங்களை விளாசி சாதனை படைத்துள்ளார்.
புகழாரம்
வெஸ்ட் இண்டீசுக்கு எதிரான கடைசி ஒருநாள் போட்டியில், கோலி அடித்த ஒரு ஷாட் இப்போது கிரிக்கெட் உலக ஜாம்பவான்களால் அதிகளவு புகழப்பட்டு வருகிறது. பலரும் பாராட்டிய அந்த ஷாட்டை, கண்டு புகழ் மாலை சூட்டியிருக்கிறார் விவியன் ரிச்சர்ட்ஸ்.
|
கவர் திசையில் பறந்தது
வெஸ்ட் இண்டீஸ் கேப்டன் ஹோல்டர் வீசிய 22வது ஓவர் அது. அந்த ஓவரின் 5வது பந்தில்தான் அந்த ஷாட்டை அடித்தார் கோலி. ஸ்டம்புக்கு நேராக ஹோல்டர் வீசிய அந்த பந்தை உடம்பை நளினமாக வளைத்து, எக்ஸ்ட்ரா கவர் திசையில் வெளுத்தார் கோலி.
பாராட்டி தள்ளிய ரிச்சர்ட்ஸ்
அப்போது கமெண்ட்ரி செய்துகொண்டிருந்தவர் ஜாம்பவான் விவியன் ரிச்சர்ட்ஸ். கோலியின் ஷாட்டை சிலாகித்து நேரடி வர்ணனையிலேயே பாராட்டி தள்ளினார். அவரது உடல் அசைவுகளை உற்று நோக்குங்கள்.... ஓ மேன்.. நான் ஆடிய காலத்தில் இப்படியான ஷாட்டுகளை ஆடியிருப்பதை நினைத்து மகிழ்ச்சி அடைகிறேன் என்று புகழ்ந்து தள்ளிவிட்டார். இணையத்தில் அவரது இந்த புகழ்மாலை தான் வைரலாக ஓடிக் கொண்டிருக்கிறது.