Click it and Unblock the Notifications
31 பந்துகளில் சதம்
2015ல் ஜோகன்னஸ்பர்கில் வெஸ்ட் இன்டீஸ் அணிக்கு எதிரான ஆட்டத்தில், அவர் எடுத்த 149 ரன்களை எந்தக் காலத்திலும் மறக்க முடியாது. அந்த ஆட்டத்தில் 39வது ஓவரில்தான் அவர் களமிறங்கினார். 31 பந்துகளில் சதமடித்து மிரட்டினார். 59 நிமிடங்களில், 44 பந்துகளில், 16 சிக்சர்களுடன் அவர் 149 ரன்கள் எடுத்தார்.
பொறுப்பான ஆட்டம்
2008ல் அடிடெய்டில் ஆஸ்திரேலியாவுக்கு எதிரான டெஸ்டில் கடைசி நாளில் 430 ரன்கள் எடுத்தால் வெற்றி என்ற நிலையில், தென்னாப்பிரிக்கா 4 விக்கெட் இழப்புக்கு 77 ரன்கள் எடுத்திருந்தது. அப்போது நான்கு மணி நேரம் மைதானத்தில் இருந்து 33 ரன்கள் எடுத்தார் டிவில்லியர்ஸ். இந்த ஆட்டத்தில் டுபிளாசி சதம் அடிக்க, ஆட்டம் டிராவில் முடிந்தது. ஆனால், டிவில்லியர்ஸின் பொறுப்பான, நிதான ஆட்டம் இன்றும் பேசப்படுகிறது.
இந்தியாவுக்கு எதிராக
டிவில்லியர்ஸ் கிரிக்கெட் வாழ்க்கையில் மறக்க முடியாத மற்றொரு ஆட்டம் 2008ல் ஆமதாபாத்தில் இந்தியாவுக்கு எதிராக அமைந்தது. இந்த ஆட்டத்தில் டிவில்லியர்ஸ் 217 ரன்கள் அடித்து தென்னாப்பிரிக்காவுக்கு வெற்றியை தேடித் தந்தார்.
அதிரடி மன்னன்
2014ல் சிட்டகாங்கிஸ் இங்கிலாந்துக்கு எதிரான ஆட்டத்தில் தென்னாப்பிரிக்கா 16 ஓவர்களில் 3 விக்கெட் இழப்புக்கு 128 ரன்களுடன் இருந்தது. அதில் டிவில்லியர்ஸ் 28 பந்துகளில் 69 ரன்கள் குவிக்க, தென்னாப்பிரிக்கா 196 ரன்கள் எடுத்தது. 3 ரன்களில் வென்றது.
டிவில்லியர்ஸ் கிரிக்கெட் வரலாற்றில் ஒவ்வொரு ஆட்டமும் முக்கியத்துவம் வாய்ந்தவை என்றாலும், இந்த ஆட்டங்களில் அவர் காட்டிய அதிரடி, பொறுப்பான ஆட்டங்களே, அவரை சிறந்த வீரராக போற்றுவதற்கு காரணங்களாக அமைந்தன.
