அஸ்வினுக்கு வாய்ப்பு
அதில் தமிழக வீரர் தினேஷ் கார்த்திக், ரிஷப் பந்த் ஆகியோருக்கு அவர் வாய்ப்பு அளிக்கவில்லை. மாறாக, தமிழக வீரரும், சுழற்பந்துவீச்சாளருமான அஸ்வின், ரவிந்திர ஜடேஜா ஆகியோர் இடம் பெற்றுள்ளனர்.
கூட்டணி வீரர்கள்
குல்தீப் யாதவ், சாஹல் ஆகியோர் கூட்டணியை போன்று ஜடேஜா, அஸ்வின் கூட்டணியை கம்பீர் தேர்வு செய்துள்ளார். கடைசியாக 2017-ம் ஆண்டு ஜுன் மாதம் ஒருநாள் போட்டிக்கான இந்திய அணியில் அஸ்வின் இடம் பெற்றார்.
காயத்தால் நீக்கம்
அதன்பின் அணியில் இருந்து அஸ்வின் முற்றிலுமாக ஓரம் கட்டப்பட்டார். டெஸ்ட் டில் மட்டும் அஸ்வின் இடம் பெற்றுவந்தாலும், அதற்கும் சோதனை வந்தது. ஆஸ்திரேலியத் தொடரில் காயம் காரணமாக நீக்கப்பட்டார்.
யோசனைகள்
தாம் தேர்வு செய்துள்ள கனவு அணியில் சில யோசனைகளையும், குறிப்புகளை சொல்லி இருக்கிறார் கம்பீர். இந்திய அணியில் அனுபவம் மிக்க சுழற் பந்துவீச்சாளர் தேவை. அதுவும் நெருக்கடியான நேரத்தில் விக்கெட் வீழ்த்தும் அனுபவம் கொண்ட வீரர் அவசியம் தேவை. அந்த இடத்துக்கே அஸ்வினே போதுமானதாக இருப்பார் என்பதால் அவரை தேர்வு செய்துள்ளதாக கூறுகிறார்.
தினேஷ் கார்த்திக் இல்லை
அவர் தவிர.. ஆல்ரவுண்டர்களாக அணியில் விஜய் சங்கர், ஜாதவ், ஹர்திக் பாண்டியா ஆகியோருக்கு வாய்ப்பு வழங்கியுள்ளார். மாற்று விக்கெட் கீப்பர்களாக தினேஷ் கார்த்திக், ரிஷப் பந்த் தேவையில்லை என்றும், அவர்களுக்கு பதிலாக கே.எல்.ராகுலை மாற்று விக்கெட் கீப்பராகவும், தொடக்க வீரராகவும் களமிறக்கலாம் என்றும் கம்பீர் ஆலோசனை தெரிவித்துள்ளார்.
பந்துவீச்சாளர்கள்
வேகப்பந்துவீச்சில் உமேஷ் யாதவ் இருப்பில் வைத்து கொள்ளலாம். பிரதான பந்து வீச்சாளர்களாக பும்ரா, புவனேஷ்வர் குமார், முகமது சமி ஆகியோரைத் தேர்வு செய்துள்ளார்.
16 பேர் விவரம்
மொத்தத்தில் கம்பீர் தேர்வு செய்த அணியில் முழுமையான அளவில் வீரர்கள் இடம் பெற்றிருப்பதாக தெரிகிறது. அவர் தேர்வு செய்த 16 பேர் கொண்ட அணி விவரம்:
யாருக்கு வாய்ப்பு
ரோஹித் சர்மா, ஷிகர் தவண், கே.எல்.ராகுல், விராட் கோலி, அம்பதி ராயுடு, தோனி, கேதர் ஜாதவ், ஹர்திக் பாண்டியா, விஜய் சங்கர், குல்தீப் யாதவ், யஜுவேந்திர சாஹல், ஜஸ்பிர்த் பும்ரா, புவனேஷ்வர் குமார், முகமது சமி, ரவிச்சந்திர அஸ்வின், உமேஷ் யாதவ்.