அது ஒரு கனாக்காலம்
இதில் குறிப்பிடத்தகுந்த வீரர் மேக்ஸ்வெல். அண்ணன் அடித்தால் அடி.. இடித்தால் இடி.. மிதித்தால் மிதி.. என்று ஒருகாலத்தில் ஐபில் பெவிலியன்களை தனது சிக்ஸர்களால் பதற வைத்தவர். ஆனால், இதெல்லாம் 'அது ஒரு கனாக்காலம்' மோட் தான்.
டெரர் ஸ்டிரைக் ரேட்
2014ல் நடந்த ஐபிஎல் தொடரில் 16 போட்டிகளில் விளையாடிய மேக்ஸ், தனது மேக்ஸ் ஐபிஎல் ரன்களான 552-ஐ பதிவு செய்தார். ஆவரேஜ் 34.50. ஸ்டிரைக் ரேட் உங்களை மிரள வைக்கும். 187.75. அதனால் தான் அண்ணன் அடித்தால் அடி... பன்ச் டயலாக்ஸ் எல்லாம்.
கம்பேக்
ஆனால், 2015ல் மொத்தமாகவே 145, 2016ல் 179, 2017ல் 310, 2018ல் 169 என்று உருட்டிக் கொண்டிருந்தவர், போன 2020 சீசனில், 'படுத்தேவிட்டானய்யா' மோடுக்கு சென்றுவிட்டார். 13 போட்டிகளில் 108 ரன்கள். ஒரு சிக்ஸ் கூட கிடையாது. நம்ப முடிகிறதா? அதான் மேக்ஸ்வெல். இருந்தாலும், போன ஐபிஎல் முடிந்த பிறகு, ஆஸ்திரேலியா சென்ற இந்திய அணிக்கு எதிரான ஒருநாள் தொடரில் 45, 63, 59 ரன்கள் ஸ்கோர் செய்து 2021 ஏலத்துக்கு அங்கேயே சிக்னல் கொடுத்துவிட்டார்.
கோலி ஆர்வம்
அதற்கு ஏற்றார் போல், பஞ்சாப்பும் அவரை ரிலீஸ் செய்ய, பெங்களூருவும், சென்னையும் அவரை ஏலத்தில் எடுக்க அதிகம் ஆர்வம் காட்டுகின்றன. ஆர்சிபி அணியில் தேவ்தத் படிக்கலுடன் ஓப்பனிங் வீரராகவோ அல்லது மிடில் ஆர்டர் வீரராகவோ களமிறக்க திட்டமிட்டு, இவரை ஆர்சிபி ஆக்ஷனில் எடுக்கலாம். அதேபோல், ஷேன் வாட்சன் ஓய்வு பெற்றுவிட்டதால், அவருக்கு மாற்றாக மேக்ஸ்வெல்லை சிஎஸ்கே எடுக்கலாம். அதுவும், ஒரு மிடில் ஆர்டர் பேட்ஸ்மேனாக. தவிர, இவர் பந்தும் வீசுவார் என்பதால், தோனியின் ஃபேவரைட் லிஸ்டில் மேக்ஸ்வெல்லுக்கு நிச்சயம் இடம் இருக்கும். அதற்காகவே மஞ்சள் அணி, இவருக்காக மல்லுக்கட்டலாம்.
அதேசமயம், இவர் 'UNSOLD' ஆகக் கூட வாய்ப்புள்ளது மக்களே!.