ஹாட்ரிக், 6 விக்.
இந்திய சார்பில் பும்ரா 6 விக்கெட் வீழ்த்தி அசத்தினார். அதில் ஹாட்ரிக்கும் அடக்கம். அவரது இந்த சாதனைக்கு வாழ்த்துகள் குவிந்து வருகின்றன. அவரின் பந்துவீச்சில் மாயாஜாலம் இருப்பதாக அனைவரும் புகழ்ந்து வருகின்றனர்.
ஹர்பஜன் பாராட்டு
இந்த நிலையில் இந்த போட்டி குறித்தும், பும்ராவின் பவுலிங் குறித்தும், ஹர்பஜன் சிங் பாராட்டு தெரிவித்துள்ளார். அவர் கூறியதாவது: இந்திய அணிக்கு பும்ரா போன்ற மேட்ச் வின்னர் கிடைத்தது மகிழ்ச்சி.
வார்த்தைகள் கிடையாது
ஹாட்ரிக் என்பது ஒரு வீரர் உடைய அடையாளமாக மாறாது. அவர் எடுத்த ஹாட்ரிக் விக்கெட் 9 ஓவர்களில் எடுத்துள்ளார். அந்த பெருமையை பேச வார்த்தைகள் பத்தாது.
இந்தியாவுக்கு பெருமை
அவரிடம் இருந்து வேறு எதையும் நாம் இனி கேட்கவும் கூடாது. அவர் நமக்கு கிடைத்த வைரம். ஒருநாள் போட்டி என்றாலும் சரி, டெஸ்ட் என்றாலும் சரி இந்தியாவுக்காக சிறப்பாக ஆடி பெருமை சேர்த்து வருகிறார்.
மும்பை இந்தியன்ஸ்
ஹர்பஜன் வாழ்த்து சொல்வதற்கு காரணம் இருக்கிறது. 2001ம் ஆண்டு சொந்த மண்ணில் ஆஸ்திரேலியாவுக்கு எதிரான டெஸ்டில் ஹாட்ரிக் எடுத்தவர் ஹர்பஜன் சிங். மேலும், ஹர்பஜன் மற்றும் பும்ரா ஆகியோர் மும்பை இந்தியன்ஸ் அணிக்காக இணைந்து விளையாடி உள்ளனர் என்பது குறிப்பிடத் தக்கது.