அக்ஷய் வாக்கரே அசத்தல்
அக்ஷய் வாக்கரே சமீபத்தில் நடந்து முடிந்த துலீப் ட்ராபி தொடரின் இறுதிப் போட்டியில் 5 விக்கெட் வீழ்த்தி இருந்தார். அவர் 13 ரன்கள் மட்டுமே கொடுத்து 5 விக்கெட்கள் வீழ்த்தியது யார் இந்த சுழற் பந்துவீச்சாளர் என கேட்க வைத்தது.
அறிமுகம் செய்தார்
அவரை பாராட்டும் வகையிலும், இந்திய கிரிக்கெட் அணி தேர்வுக் குழுவினர் மற்றும் ஊடகங்களுக்கு அவரை அறிமுகம் செய்து வைக்கும் வகையிலும் ஹர்பஜன் சிங் ட்விட்டரில் அக்ஷய் வாக்கரே பற்றி பதிவிட்டு இருந்தார்.
|
என்ன சொன்னார்?
அந்த பதிவில், கடந்த சில வருடங்களாக பந்து வீச்சில் கலக்கி வருகிறார். முதல் தர கிரிக்கெட், ரஞ்சி ட்ராபிகளில் அடுத்தடுத்து சாம்பியனாக வலம் வருகிறார். நேற்று நடந்த இந்தியா கிரீன் அணிக்கு எதிரான போட்டியில் 13 ரன்களுக்கு 5 விக்கெட்கள் வீழ்த்தி அற்புதமாக பந்து வீசி, தன் அணிக்கு மேலும் ஒரு சாம்பியன்ஷிப் வென்று கொடுத்துள்ளார். இந்திய டெஸ்ட் அணியில் அவருக்கு வாய்ப்பு வரும் என்று கூறி உள்ளார் ஹர்பஜன்.
அஸ்வினுக்கு இடம் இல்லை
இந்திய டெஸ்ட் அணியில் ஏற்கனவே அஸ்வினுக்கு இடம் இல்லாதது பெரிய விமர்சனத்தை கிளப்பி உள்ளது. ஜடேஜா அணியில் இடம் பெற்றாலும், அவரும் நிலையான வீரரா என்பது தெரியாத நிலையில் தான் ஆடி வருகிறார்.
கிலி ஏற்படுத்தி உள்ளார்
குல்தீப் யாதவ் நிலை என்ன என்பது யாருக்குமே தெரியவில்லை. இந்த நிலையில், இளம் சுழற் பந்துவீச்சாளர் ஒருவருக்கு இந்திய டெஸ்ட் அணியில் வாய்ப்பு கிடைக்கும் என்று கூறி கிலி ஏற்படுத்தி இருக்கிறார் ஹர்பஜன் சிங்.