ஜஸ்ட் லைக் தட் அதிரடி
டோணி ஆட வந்தபோது இந்தியாவிடம் 14 பந்துகள் இருந்தன. வெற்றிக்குத் தேவையான ரன்கள் 22 ஆக இருந்தது. ஆனால் டோணி அதிரடியாக ஆடி ரன்களைக் குவித்து அணியை வெற்றிப் பாதைக்கு இட்டுச் சென்றார்.
6 பந்து 20 ரன்கள்
6 பந்துகளைச் சந்தித்த டோணி, 20 ரன்களைக் குவித்து கடைசி வரை ஆட்டமிழக்காமல் இருந்தார். மேலும் தனது கடைசிப் பந்தில் அவர் சிக்ஸர் விளாசினார்.
7 பந்து மிச்சம் வைத்து
இதனால் 7 பந்துகளை மிச்சம் வைத்து இந்தியா அபார வெற்றி பெற்றது. 6வது முறையாக ஆசியக் கோப்பையையும் வென்றது.
ஹர்பஜன் ஐடியா
அந்தப் போட்டியில் பாண்ட்யா இறங்குவார் என்று எதிர்பார்க்கப்பட்ட நிலையில் 4வது வீரராக டோணியே ஆட வந்தார். இது ஹர்பஜன் சிங் கொடுத்த ஐடியாவாம். இதை ஹர்பஜனே கூறியுள்ளார்.
நான் சொன்னேன்
என்னிடம் பாண்ட்யாவை அடுத்து அனுப்பலாமா என்று கேட்டார் டோணி. அதற்கு நான் வேண்டாம், நீங்களே போய் ஆடுங்க. நீங்கதான் உலகின் பெஸ்ட் பினிஷர். நீங்க போனாதான் சரியா இருக்கும் என்று கூறினேன்.
சின்ன மேட்டர்
இதுபோன்ற சின்னச் சின்ன விஷயங்களை, யோசனைகளை நான் சக வீரர்களுடன் பகிர்ந்து கொள்வதுதான். அந்த வகையில் டோணியிடமும் கூறினேன். அவரும் முன்கூட்டியே ஆடச் சென்றார்.
ஜூனியர்களுக்கு என்னாலான உதவி
எனது சீனியர்களிடமிருந்து நான் நிறையக் கற்றுள்ளேன். அது என்னை சிறந்த வீரராக மாற்ற உதவியுள்ளது. அதேபோல எனது ஜூனியர் வீரர்களுக்கும் எனது அனுபவத்தை பாஸ் செய்கிறேன், ஐடியாக்கள் கொடுக்கிறேன் என்றார் ஹர்பஜன் சிங்.