Click it and Unblock the Notifications
சிறந்த விருது
இந்தாண்டு உலக டெஸ்ட் சாம்பியன்ஷிப் தொடர் காரணமாக பல்வேறு டெஸ்ட் தொடர்கள் நடைபெற்று வந்தன. குறிப்பாக இந்தியா, ஆஸ்திரேலியா, இங்கிலாந்து, நியூசிலாந்து போன்ற அணிகள் அதிகப்படியான டெஸ்ட் ஆட்டங்களில் பங்கேற்றனர். இவற்றில் இருந்து இங்கிலாந்து வீரர் ஜோ ரூட், நியூசிலாந்தின் கெயில் ஜேமிசன், இந்தியாவின் ரவிச்சந்திரன் அஸ்வின் மற்றும் இலங்கையின் திமுத் கர்ணரத்னே ஆகியோர் தேர்வு செய்யப்பட்டுள்ளனர்.
அதிக ரன்கள்
இங்கிலாந்து டெஸ்ட் அணியின் கேப்டனான ஜோ ரூட், சமீபத்தில் நடைபெற்ற ஆஷஸ் தொடரில் சறுக்கினார். எனினும் சர்வதேச டெஸ்ட் கிரிக்கெட்டில் இந்தாண்டு அதிக ரன்கள் குவித்த வீரர்கள் பட்டியலில் அவர் தான் முதலிடத்திலுள்ளார். இதுவரை 15 டெஸ்ட்களில் விளையாடியுள்ள அவர் மொத்தம் 1,708 ரன்களை விளாசியுள்ளார். இதில் 6 சதங்களும் அடங்கும்.
நியூசிலாந்தின் வேகம்
நியூசிலாந்தை சேர்ந்த வேகப்பந்துவீச்சாளர் கெயில் ஜேமிசன் 2021ம் ஆண்டில் இதுவரை 5 போட்டிகளில் விளையாடி 27 விக்கெட்டுகளை சாய்த்துள்ளார். சராசரியாக ஒரு போட்டிக்கு 17.51 ரன்கள் வீதம் மொத்தமாக வெறும் 105 ரன்கள் மட்டுமே விட்டுக்கொடுத்துள்ளார். இந்தியாவுக்கு எதிரான போட்டியில் கூட விக்கெட் மழை பொழிந்திருந்தார்.
இந்திய ஸ்பின்னர்
இதற்கு அடுத்தபடியாக இந்திய வீரர் ரவிச்சந்திரன் அஸ்வின் சிறந்த வீரர் என்ற விருதை பெற காத்துள்ளார். இந்தாண்டில் இதுவரை 8 டெஸ்ட் போட்டிகளில் விளையாடியுள்ள அஸ்வின் 52 விக்கெட்டுகளை சாய்த்து அசத்தியுள்ளார். மேலும் சதம் ஒன்றையும் அவர் அடித்துள்ளார்.
4வது வீரர்
இவருக்கு அடுத்தபடியாக இலங்கை அணி வீரர் திமுத் கருணரத்னே தேர்வாகியுள்ளார். 2021ல் இதுவரை 7 போட்டிகளில் மட்டுமே விளையாடியுள்ள அவர் மொத்தமாக 902 ரன்களை குவித்துள்ளார். இதில் 4 சதங்களும் அடங்கும். அவரின் தற்போதைய சராசரி 69.38 ஆகும். இந்த 4 வீரர்களில் யாருக்கு விருது சென்றடைய போகிறது என்ற அறிவிப்பு விரைவில் அறிவிக்கப்படவுள்ளது.
