டி20 உலகக்கோப்பை அணி
டி20 உலகக்கோப்பை தொடருக்கான இந்திய அணியில் எந்தெந்த வீரர்கள் இடம்பெற போகிறார்கள் என தினந்தோறும் கேள்விகள் எழுந்து வருகின்றன. அணியில் ரோகித், விராட் கோலி, பும்ரா போன்ற வீரர்களின் இடம் வழக்கம் போன்று இருக்கும். எனினும் மீதமுள்ள இடங்களுக்கு தற்போது இளம் வீரர்கள் போட்டி போட்டு வருகின்றனர்.
காலக்கெடு விதிப்பு
இந்நிலையில் 15 பேர் கொண்ட அணியை இறுதி செய்ய காலக்கெடு விதிக்கப்பட்டுள்ளது. டி20 உலகக்கோப்பை தொடருக்காக ஒவ்வொரு அணியும் வரும் செப்டம்பர் 15ம் தேதிக்குள் இறுதி செய்து அனுப்ப வேண்டும் என ஐசிசி அறிவித்துள்ளது. இதற்காக அனைத்து வாரியங்களுக்கும் சுற்றறிக்கை அனுப்பப்பட்டுள்ளது.
இனி வரும் போட்டிகள்
ஆனால் இந்திய அணியை இறுதி செய்ய ராகுல் டிராவிட்டிற்கு 4 போட்டிகளே உள்ளன.
அயர்லாந்து தொடர் - ஜூன் 26 - 28
இங்கிலாந்து தொடர் - ஜூலை 7 - ஜூலை 10
வெஸ்ட் இண்டீஸ் - ஜூலை 29 - ஆகஸ்ட் 2
ஆசியக் கோப்பை - ஆகஸ்ட் 27
டிராவிட்டிற்கு சிக்கல்
இதில் அயர்லாந்து தொடரில் இளம் வீரர்களே ஆடுகின்றனர். இங்கிலாந்து தொடரில் இருந்து தான் இந்தியாவின் மொத்த பலமும் களமிறங்குகிறது. எனவே இனி வரும் 4 தொடரையும் பயன்படுத்தி வீரர்களை இறுதி செய்ய வேண்டிய கட்டாயத்தில் ராகுல் டிராவிட் இருக்கிறார்.
தேர்வுக்காக திட்டம்
இதற்காக ஒரு திட்டமும் வைத்துள்ளார். அதாவது டி20 அணிக்காக இருக்கும் வீரர்கள் இனி வரும் போட்டிகளில் தொடர்ந்து வாய்ப்புகள் பெறுவார்கள். தொடர்ந்து வாய்ப்புகள் கொடுத்தால் தான் வீரர்கள் ஃபார்முக்கு திரும்புவார்கள் என டிராவிட்டிற்கு பெரும் நம்பிக்கை உள்ளது.