ஒருநாள் போட்டிகளின் தரவரிசை
ஐசிசி வீராங்கனைகளுக்கான ஒருநாள் போட்டிகளின் தரவரிசை பட்டியலை வெளியிட்டுள்ளது. இதில் இந்திய பெலளர்கள் 4 பேர் முதல் 10 இடங்களில் இடம்பெற்றுள்ளனர். ஜூலான் கோஸ்வாமி 5வது இடத்திலும் பூனம் யாதவ் 6வது இடத்திலும் ஷிகா பாண்டே 7வது இடத்திலும் தீப்தி ஷர்மா 10 இடத்திலும் உள்ளனர்.
2 இடங்கள் இறக்கம்
ஆனால் பேட்ஸ்வுமன்கள் வரிசையில் துவக்க வீராங்கனை ஸ்மிரிதி மந்தனா 732 புள்ளிகளுடன் 2 இடங்களில் கீழிறங்கி 6வது இடத்தை பிடித்துள்ளார். ஆனால் மிதாலி ராஜ் 687 புள்ளிகளுடன் 9வது இடத்தில் நிலை பெற்றுள்ளார். இவர்கள் இருவர் மட்டுமே இந்த பட்டியலின் 10 இடங்களில் இடம்பெற்றுள்ள இந்திய வீராங்கனைகள்.
5 இடங்களில் முன்னேற்றம்
இங்கிலாந்து துவக்க வீராங்கனை டாமி பியோமான்ட் கடந்த நியூசிலாந்துக்கு எதிரான தொடரில் தனது சிறப்பான செயல்பாட்டின்மூலம் 5 இடங்கள் முன்னேறி முதலிடத்தை பிடித்துள்ளார். இந்த தொடரில் இங்கிலாந்து 2க்கு 1 என்ற கணக்கில் வெற்றி பெற்றது குறிப்பிடத்தக்கது.
தீப்தி ஷர்மா 4வது இடம்
இதேபோல பௌலர்களுக்கான வரிசையில் ஆஸ்திரேலிய வீராங்கனை ஜெஸ் ஜோனாசன் 804 புள்ளிகளுடன் முதலிடத்தை தொடர்கிறார். அவரை மேகன் ஸ்சட் 735 புள்ளிகளுடன் இரண்டாவது இடத்தில் தொடர்கிறார். இதனிடையே ஆல்-ரவுண்டர் வரிசையில் இந்தியாவின் தீப்தி ஷர்மா 4வது இடத்தில் 359 புள்ளிகளுடன் தொடர்கிறார்.