ஆஸ்திரேலியாவை திராட்டில் விட்ட ரூட் நம்பர் 1... 10வது இடத்தில் நம்ம ஊரு கோஹ்லி

917 புள்ளிகளுடன் ரூட் முதலிடம்

இங்கிலாந்தின் ஜோ ரூட் 917 புள்ளிகளுடன் முதலிடத்தில் இருக்கிறார். தென் ஆப்பிரிக்காவின் டிவில்லியர்ஸ் 890 புள்ளிகளுடன் 2வது இடத்தைப் பெற்றுள்ளார்.

3வது இடத்தில் ஸ்மித்

3வது இடத்தில் 884 புள்ளிகளுடன் ஸ்டீவன் ஸ்மித் இருக்கிறார். தென் ஆப்பிரிக்காவின் ஹசிம் அம்லா 881 புள்ளிகளுடன் 4வது இடத்தில் இருக்கிறார்.

சங்கக்கராவுக்கு 5வது இடம்

டெஸ்ட் கிரிக்கெட்டிலிருந்து விடைபெறப் போகும் இலங்கையின் குமார சங்கக்கரா 874 புள்ளிகளுடன் 5வது இடத்தில் நீடிக்கிறார். இலங்கை கேப்டன் ஏஞ்சலோ மாத்யூஸ் 860 புள்ளிகளுடன் 6வது இடத்தில் இருக்கிறார்.

7வது இடத்தில் யூனிஸ் கான்

பாகிஸ்தான் வீரர் யூனிஸ் கான் 829 புள்ளிகளுடன் 7வது இடத்திலும், நியூசிலாந்தின் கனே வில்லியம்சன் 813 புள்ளிகளுடன் 8வது இடத்தில் உள்ளார்.

9வது இடத்தில் ரோஜர்ஸ்

ஆஸ்திரேலிய அதிரடி வீரர் கிறிஸ் ரோஜர்ஸ் 9வது இடத்தில் நீடிக்கிறார். இவருக்குக் கிடைத்துள்ள புள்ளிகள் 763 ஆகும்.

10வது இடத்தில் கோஹ்லி

இந்திய டெஸ்ட் கேப்டன் விராத் கோஹ்லி தொடர்ந்து பார்மில் இல்லாத நிலையிலும் டாப் 10க்குள் வந்துள்ளார். அவர் 755 புள்ளிகளுடன் 10வது இடத்தில் நிற்கிறார்.