வெயில்
இந்த நிலையில் மான்செஸ்டரில் அதிகாலையில் இருந்து வெயில் அடித்து வருகிறது. பெரிய அளவில் வானத்தில் மேகமே காணப்படவில்லை. அதேபோல் பெரிய அளவில் வெயிலும் சுட்டெரிக்கவில்லை. மிதமான, ஈரப்பதமான வானிலையே அங்கு நிலவி வருகிறது.
மைதானம்
இதனால் நேற்று தண்ணீருடன் காணப்பட்ட மைதானம் இன்று நன்றாக உலர்ந்து உள்ளது. ஓல்ட் டிரபோர்ட் மைதானம் விரைவாக தண்ணீரை வெளியேற்றும் வசதியை கொண்டது என்பது குறிப்பிடத்தக்கது. இதனால் இன்று அதிகாலையே ஓல்ட் டிரபோர்ட் மைதானம் நன்றாக உலர்ந்துவிட்டது என்பது குறிப்பிடத்தக்கது. இது இந்திய பேட்ஸ்மேன்களுக்கு சாதகமாக இருக்கும்.
எப்போது பெய்யும்
இன்று போட்டி துவங்கும் முன் பெரிய அளவில் மழை பெய்ய வாய்ப்பில்லை. ஆனால் இந்திய நேரப்படி 7 மணிக்கு பிறகு மழை பெய்ய வாய்ப்புள்ளது. 7 மணிக்கு பிறகு அங்கு மழை பெய்ய 40% வாய்ப்புள்ளதாக தகவல்கள் வருகிறது. ஆனால் பெரும்பாலும் ஒரே ஒரு இன்னிங்ஸ் மட்டும்தான் இன்று நடக்கும், என்பதால் பெரும்பாலும் 7 மணிக்கே போட்டி முடிந்துவிடும் என்று எதிர்பார்க்கப்படுகிறது.
கடைசி நேரம்
அதே சமயம் கடைசி நேரத்தில் இந்திய அணியின் பேட்டிங் மழை காரணமாக பாதிக்கப்படலாம். ஆனால் அந்த மழையும் நீண்ட நேரம் பெய்ய வாய்ப்பில்லை என்றே வானிலை மைய அதிகாரிகள் தெரிவித்துள்ளனர்.