லாரா
இந்த நிலையில் தற்போது மேற்கு இந்திய தீவுகளின் ஜாம்பவான் வீரர் பிரைன் லாரா இந்தியாவில்தான் இருக்கிறார். இவர் ஸ்டார் நிறுவனத்துடன் நிகழ்ச்சிகளை தொகுத்து வழங்கும் ஒப்பந்தத்தை செய்து இருக்கிறார் . தினமும் நடக்கும் போட்டிகள் குறித்து பேசுவதும், அது குறித்த விவாதங்களை செய்வதையும் இவர் மேற்கொண்டு வருகிறார்.
முக்கிய வீரர்கள்
இவருடன் இந்திய அணியில் விளையாடிய முன்னணி வீரர்கள் விவாதம் செய்வார்கள். கம்பீர், பதான் போன்ற வீரர்கள் இவருடன் விவாதம் செய்து வருகிறார்கள் என்பது குறிப்பிடத்தக்கது. இந்த நிலையில் இன்று சரியாக ஷூட்டிங் தொடங்கிய நேரத்தில் இவருக்கு நெஞ்சுவலி ஏற்பட்டது.
மும்பை ஷூட்டிங்
மும்பையில் உள்ள ஸ்டார் ஸ்போர்ட்ஸ் அலுவலகத்தில் இந்த ஷூட்டிங் நடந்தது. அப்போது அவருக்கு நெஞ்சுவலி ஏற்பட்டு உள்ளது. இதனால் இவர் உடனடியாக மருத்துவமனைக்கு அழைத்து செல்லப்பட்டார். இவர் மும்பையில் உள்ள தனியார் மருத்துவமனையில் அனுமதிக்கப்பட்டு இருக்கிறார்.
என்ன சிகிச்சை
அங்கு அவருக்கு தீவிர சிகிச்சை அளிக்கப்பட்டு வருகிறது. இவர் அதிக நேரம் நின்று கொண்டு இருந்ததாலும், சாப்பிட்டு ஏற்பட்ட மாறுதல் காரணமாகவும் இப்படி வலி ஏற்பட்டதாக முதற்கட்ட தகவல்கள் வருகிறது.