அதமட்டும் சிறப்பா செஞ்சா போதும்... வேற லெவெலுக்கு போய்டுவார்... ஆம்ப்ரோஸ் பாராட்டிய இந்திய பௌலர்

ஜாம்பவான் கர்ட்லி ஆம்ப்ரோஸ்

மேற்கிந்திய தீவுகள் அணியின் ஜாம்பவான் கர்ட்லி ஆம்ப்ரோஸ் தன்னுடைய டெஸ்ட் கேரியரில் 405 விக்கெட்டுகளையும் ஒருநாள் போட்டிகளில் 225 விக்கெட்டுகளையும் வீழ்த்தியுள்ளார். 1980 முதல் 2000 வரை வால்சுடன் இணைந்து சிறப்பான துவக்க பௌலிங்கை தனது அணிக்காக ஆம்ப்ரோஸ் அளித்துள்ளார்.

400 விக்கெட்டுகள் சாதனை

இந்நிலையில், இந்திய வேகப்பந்து வீச்சாளர் ஜஸ்பிரீத் பும்ராவின் பந்து வீச்சு குறித்து ஆம்ப்ரோஸ் பாராட்டு தெரிவித்துள்ளார். அவர் டெஸ்ட் போட்டிகளில் தனது 400 விக்கெட்டுகள் சாதனையை சிறப்பாக செய்து முடிப்பார் என்றும் அதற்கு அவர் செய்ய வேண்டியது ஒன்றே ஒன்றுதான் என்றும் கூறியுள்ளார்.

வலிமையாக வேண்டும்

ஆனால் தன்னுடைய 400 விக்கெட்டுகள் சாதனையை பும்ரா பூர்த்தி செய்ய வேண்டுமென்றால் அவர் தனது தன்னுடைய உடலை பிட்டாகவும் வலிமையாகவும் வைத்துக் கொள்ள வேண்டியது மிகவும் அவசியம் என்றும் அவர் மேலும் அறிவுறுத்தியுள்ளார்.

உடலை வலிமையாக்க வேண்டும்

நீண்ட காலங்களுக்கு இந்திய அணிக்காக விளையாட வேண்டுமென்றால் அவர் தனது உடலை வலிமையாக்க வேண்டும் என்று கூறியுள்ள ஆம்ப்ரோஸ், இதன்மூலம் அவர் சிறப்பான பந்து வீச்சையும் ஸ்விங் மற்றும் யார்க்கர் பந்துகளையும் சிறப்பாக வீச முடியும் என்றும் ஆம்ப்ரோஸ் தெரிவித்துள்ளார்.