விஜய் ஹசாரே கோப்பை
இந்தியா -இங்கிலாந்து தொடர்களுக்கு இணையாக உள்ளூரின் விஜய் ஹசாரே கோப்பை ஒருநாள் போட்டிக்கான தொடரும் விறுவிறுப்பாக நடைபெற்று வருகிறது. தற்போது இந்த தொடர் காலிறுதியை அடைந்துள்ளது. இன்றைய தினம் கர்நாடகா மற்றும் கேரள அணிகள் மோதி வருகின்றன.
சமர்த் 192 ரன்கள்
இதில் கர்நாடக கேப்டன் சமர்த் 158 பந்துகளில் 192 ரன்களை குவித்த நிலையில் அணியின் தேவ்தத் படிக்கல்லும் சதத்தை கடந்துள்ளார். இது இந்த தொடரில் அவர் அடிக்கும் தொடர் 4வது சதமாகும். கடந்த 2008ல் கேப்டன் விராட் கோலி இதே விஜய் ஹசாரே கோப்பைக்காக 4 சதங்களை அடித்த நிலையில் தற்போது படிக்கல் அந்த சாதனையை மேற்கொண்டுள்ளார்.
4 சதங்கள்... 2 அரைசதங்கள்
மேலும் இந்த தொடரில் அவர் இதுவரை 6 போட்டிகளில் விளையாடி 673 ரன்களை குவித்துள்ளார். இதில் 4 சதங்கள் மற்றும் 2 அரைசதங்கள் அடங்கும். ஒரு போட்டியில் 97 ரன்கள் வரை அடித்து சதத்தை தவறவிட்டுள்ளார். மேலும் கடந்த 2019 தொடரில் 2 சதங்கள் மற்றும் 5 அரைசதங்களுடன் 609 ரன்களை அவர் அடித்திருந்தது குறிப்பிடத்தக்கது.
சமர்த்தின் 3வது சதம்
கர்நாடக அணியின் ரன் மெஷினாக அவர் விளங்குகிறார். மேலும் அடுத்தடுத்து தொடர்ந்து 4 சதங்களை அவர் அடித்துள்ளார். இன்றைய போட்டியில் சமர்த் மற்றும் படிக்கல் இருவரும் அடுத்தடுத்து தங்களது சதங்களை அணிக்கு சிறப்பாக வழங்கியுள்ளன. சமர்த் இந்த தொடரில் அடிக்கும் 3வது சதம் இதுவாகும்.