தோல்வி அடையவில்லை
இந்திய அணி கடைசியாக ஆடிய 9 டி20 போட்டிகளில் தோல்வி அடையவில்லை. இது இந்திய அணியின் மிகப் பெரிய சாதனை ஆகும். ஆஸ்திரேலிய டி20 தொடரிலும் தொடர்ந்து மூன்று வெற்றிகளை பெற்றால் இதை 12 ஆக மாற்றலாம்.
சூப்பர் ஓவர் வெற்றிகள்
கடந்த 9 டி20 போட்டிகளில் இந்திய அணி 8 வெற்றிகளை பெற்றுள்ளது. இதில் ஒரு போட்டியில் முடிவு எட்டப்படவில்லை. மேலும், அந்த 8 வெற்றிகளில் இரண்டு சூப்பர் ஓவர் வரை சென்று கிடைத்ததும் குறிப்பிடத்தக்கது.
கடினம்
ஆஸ்திரேலிய அணி இந்த டி20 தொடரில் ஒரு போட்டியில் இந்திய அணியை வீழ்த்தினாலும் இந்திய அணியின் இந்த சாதனைப் பயணம் தடைபடும். இந்திய அணி மூன்று போட்டிகளிலும் வெற்றி பெறுவது கடினம் என்றே கருதப்படுகிறது.
தடுமாற்றம்
ஒருநாள் தொடரிலேயே இந்திய அணி தடுமாறியது. இரண்டு மோசமான தோல்விகளுக்கு பின் ஒரு ஆறுதல் வெற்றி பெற்றது. சரியான அணியை அடையாளம் காண முடியாமல் கேப்டன் கோலி தடுமாறினார். டி20 தொடரில் என்ன செய்யப் போகிறார் என்ற கேள்வி எழுந்துள்ளது.