Click it and Unblock the Notifications
வாய்ப்பு
ஆஸ்திரேலிய அணிக்கு எதிரான டெஸ்ட் தொடரில் முதல் போட்டியில் ப்ரித்வி ஷா துவக்க வீரராக சரியாக செயல்படவில்லை. இந்த நிலையில், அவருக்கு பதில் ஷுப்மன் கில் இரண்டாம் போட்டியில் களமிறங்கி ஆடினார். அது அவருக்கு அறிமுக டெஸ்ட் போட்டி என்பது குறிப்பிடத்தக்கது.
அசத்தல் ஆட்டம்
முதல் போட்டியில் அவர் அனுபவ வீரர் போல ஆஸ்திரேலிய பந்துவீச்சை எதிர்கொண்டார். எந்த சிரமமும் இன்றி நல்ல ஸ்ட்ரைக் ரேட்டில் ரன் குவித்தார். முதல் இன்னிங்க்ஸில் 45, இரண்டாவது இன்னிங்க்ஸில் ஆட்டமிழக்காமல் 35 ரன்கள் குவித்தார்.
இந்தியா வெற்றி
அவரது ஆட்டம் காரணமாக மற்றொரு துவக்க வீரர் மயங்க் அகர்வால் சொதப்பிய போதும், இந்திய அணி சமாளித்து ரன் குவிக்க முடிந்தது. 8 விக்கெட் வித்தியாசத்தில் இரண்டாவது டெஸ்ட் போட்டியில் இந்தியா வெற்றியும் பெற்றது.
ஹஸ்ஸி பாராட்டு
ஷுப்மன் கில் ஆட்டத்தை பலரும் புகழ்ந்து வரும் நிலையில், ஆஸ்திரேலிய ஜாம்பவான் மைக் ஹஸ்ஸி அவர் இந்திய அணியில் அடுத்த பத்து வருடங்களுக்கு ஆடும் கிளாஸான வீரர் என பாராட்டித் தள்ளி இருக்கிறார். அவரை முதல் டெஸ்டில் ஆட வைத்து இருக்கலாம் எனவும் அவர் கூறினார்.
