3வது ஒருநாள் போட்டி
பெங்களூருவில் நேற்று நடைபெற்ற இந்தியா -ஆஸ்திரேலியா இடையிலான 3வது சர்வதேச ஒருநாள் தொடரின் 3வது போட்டியில் ஆஸ்திரேலியாவை இந்தியா வெற்றி கண்டு தொடரை கைப்பற்றியுள்ளது.
வெற்றி பெற இரு அணிகளும் தீவிரம்
மும்பை மற்றும் ராஜ்காட்டில் நடைபெற்ற முதல் இரண்டு போட்டிகளில் ஆஸ்திரேலியா மற்றும் இந்தியா வெற்றி பெற்றிருந்தன. இந்நிலையில் பெங்களூருவில் நடைபெற்ற வெற்றியை தீர்மானிக்கும் போட்டியில் வெற்றிபெற்று தொடரை கைப்பற்ற இரு அணிகளும் முனைப்பு காட்டின.
டாஸ் வென்று பேட்டிங்
டாஸ் வென்று முதலில் களமிறங்கிய ஆஸ்திரேலிய அணியில் ஸ்டீவ் ஸ்மித் 131 ரன்களை அடிக்க மற்ற வீரர்கள் அதிகளவில் ரன்களை ஸ்கோர் செய்யாத நிலையில், ரன்கள் அடிக்க வேண்டிய கட்டாயத்தில் கேப்டன் பின்ச் 5வதாக மிட்செல் ஸ்டார்க்கை களமிறக்கினார்.
டக் அவுட்டாகிய ஸ்டார்க்
இந்நிலையில் கேப்டனின் நம்பிக்கையை பொய்யாக்கி 3 பந்துகளை மட்டுமே அடித்து டக் அவுட்டாகி பெவிலியனுக்கு மிட்செல் ஸ்டார்க் திரும்பினார்.
|
கேலி பேசிய மனைவி
மிட்செல் ஸ்டார்க் டக் அவுட்டானதை பாக்ஸ் கிரிக்கெட் தனது டிவிட்டர் பக்கத்தில் பதிவு செய்தது. இதையடுத்து ஸ்டார்க்கின் மனைவியும் ஆஸ்திரேலிய மகளிர் கிரிக்கெட் வீராங்கனையுமான அலிஸா ஹீலி, தன்னுடைய டிவிட்டர் அக்கவுண்டில் தலையில் அடித்துக்கொள்ளும் எமோஜியை போட்டு, அவரை கேலி செய்தார்.
|
கிரிக்கெட் சொல்லிக் கொடுக்க கோரிக்கை
அலிஸா ஹீலியின் இந்த எமோஜியை அடுத்து ரசிகர்கள் பலரும் பலவிதமான கமெண்ட்டுகளை போட, டிவிட்டர் பக்கமே பரபரப்புக்குள்ளாகியது. ஸ்டார்க்கிற்கு கிரிக்கெட் விளையாட சொல்லித் தருமாறு ரசிகர் ஒருவர் கமெண்ட் செய்திருந்தார்.