இரண்டு மடங்கு வேகம்
மேலும், சில சாதனைகளை தன் வசம் ஆகி உள்ளார். கேப்டனாக விரைவாக சதம் அடிப்பதில் இரண்டு மடங்கு வேகமாக செயல்பட்டு ரிக்கி பாண்டிங்கை வீழ்த்தி வியக்க வைத்துள்ளார் கோலி.
இரண்டாவது டெஸ்ட்
கொல்கத்தாவில் நடந்து வரும் இந்திய அணியின் முதல் பகல் - இரவு டெஸ்ட் போட்டியில் வங்கதேசம் முதலில் பேட்டிங் செய்தது. அந்த அணி 30.3 ஓவர்கள் மட்டுமே தாக்குப்பிடித்து 106 ரன்களுக்கு ஆல் - அவுட் ஆனது.
இந்தியா பேட்டிங்
அடுத்து பேட்டிங் ஆடிய இந்திய அணிக்கு ரோஹித் 21, மயங்க் அகர்வால் 14 ரன்களில் ஆட்டமிழந்து ஏமாற்றம் அளித்தனர். அடுத்து புஜாரா - கோலி கூட்டணி அமைத்து பேட்டிங் செய்தனர்.
புஜாரா, ரஹானே அரைசதம்
புஜாரா 55, ரஹானே 51 ரன்கள் குவித்து அரைசதம் கடந்து ஆட்டமிழந்தனர். கோலி தொடர்ந்து அபாரமாக ஆடி வந்தார். முதல் நாள் ஆட்ட நேர முடிவில் 59 ரன்கள் அடித்து இருந்த கோலி இரண்டாம் நாள் ஆட்டத்தில் சதம் அடித்து அசத்தினார்.
கோலி 27வது சதம்
இது டெஸ்ட் போட்டிகளில் விராட் கோலியின் 27வது சதம் ஆகும். மேலும், ஒட்டுமொத்த சர்வதேச கிரிக்கெட் போட்டிகளில் இது கோலியின் 70வது சதம் ஆகும். இந்த சதம் மூலம் பல்வேறு சாதனைகளை நிகழ்த்தி இருக்கிறார் கோலி.
பிங்க் பால் சதம்
இந்திய வீரர் ஒருவர் பகல் - இரவு டெஸ்ட் போட்டியில், பிங்க் பந்தில் அடிக்கும் முதல் சதம் இது தான். மேலும், கேப்டனாக டெஸ்ட் போட்டிகளில் தன் 19 சதத்தை எட்டி இருக்கிறார் கோலி.
பாண்டிங்கை முந்தினார்
இதன் மூலம் கேப்டனாக அதிக டெஸ்ட் சதம் அடித்த வீரர்கள் பட்டியலில் ரிக்கி பாண்டிங்கை முந்தினார். பாண்டிங் கேப்டனாக 18 டெஸ்ட் சதங்கள் அடித்துள்ளார். இந்தப் பட்டியலில் கிரேம் ஸ்மித் 25 சதங்களுடன் முதல் இடத்தில் இருக்கிறார்.
மொத்த சதங்கள்
மூன்று வித கிரிக்கெட் போட்டிகளிலும் கேப்டனாக அதிக சதங்கள் அடித்துள்ள பட்டியலில் 41 சதங்கள் அடித்து முதல் இடத்தில் இருக்கும் கோலி, அதற்கு 188 இன்னிங்க்ஸ் எடுத்துக் கொண்டுள்ளார்.
2 மடங்கு விரைவாக..
ரிக்கி பாண்டிங்கும் 41 சதங்கள் அடித்து இருந்தாலும், அவர் 376 இன்னிங்க்ஸில் அந்த சாதனையை செய்துள்ளார். கோலி இரண்டு மடங்கு வேகத்தில் 41 சதங்கள் அடித்துள்ளார் என்பது குறிப்பிடத்தக்கது.
சச்சின் சாதனை சமன்
27 டெஸ்ட் சதங்களை விரைவாக அடித்த வீரர்கள் பட்டியலில் சச்சினுடன் முதல் இடத்தை பகிர்ந்து கொண்டுள்ளார் கோலி. இருவரும் 141 இன்னிங்க்ஸில் இதை செய்துள்ளனர்.