Click it and Unblock the Notifications
குழப்பம்
உலகக்கோப்பை போட்டிகளில் பேட்டிங் வரிசையில் நான்காம் இடத்தில் எந்த வீரரை ஆடவைப்பது என்ற குழப்பம் இருந்து வந்தது. தேர்வுக் குழுவினர் விஜய் ஷங்கரை அந்த இடத்திற்காக தேர்வு செய்தனர்.
ஐபிஎல் சொதப்பல்
எனினும், விஜய் ஷங்கர் ஐபிஎல் தொடரில் சரியாக ரன் குவிக்கவில்லை. அதே சமயம், ராகுல் ஐபிஎல் தொடரில் துவக்க வீரராக களமிறங்கி அதிரடியாக ரன் குவித்திருந்தார். அதனால், பலரும் ராகுலை நான்காம் இடத்தில் பேட்டிங் செய்ய வைக்கலாம் என கூறி வந்தனர்.
இந்தியா பேட்டிங்
இந்த நிலையில், பயற்சிப் போட்டியில் வங்கதேச அணிக்கு எதிராக இந்திய அணி முதலில் பேட்டிங் செய்தது. துவக்க வீரர்கள் ரோஹித் சர்மா, தவான் மீண்டும் ஒரு மோசமான துவக்கம் அளித்தனர். அடுத்து கோலி - ராகுல் ஜோடி சேர்ந்தனர்.
விஜய் ஏமாற்றம்
ராகுல் அதிரடியாக சதம் கடந்து அசத்தினார். அதே சமயம், விஜய் ஷங்கர் ஐந்தாம் இடத்தில் களமிறங்கி 2 ரன்களில் ஆட்டமிழந்து ஏமாற்றம் அளித்தார். இதனால், உலகக்கோப்பை தொடரில் ராகுல் நான்காம் இடத்தில் பேட்டிங் செய்யும் வாய்ப்பை பெறுவார் என தெரிகிறது.
வாய்ப்பை தவறவிட்டார்
விஜய் ஷங்கர் தனக்கு கிடைத்த அரிய வாய்ப்பை தவறவிட்டு விட்டார் என்பதே உண்மை. இந்தப் போட்டியில் தோனியும் அதிரடியாக ஆடி சதம் அடித்தார் என்பது குறிப்பிடத்தக்கது.
