ரோரி பேர்ன்ஸ்
முதல் 2 டெஸ்ட் போட்டிகளில் தொடக்க வீரராக களமிறங்கிய ரோரி பேர்ன்ஸ் பெரிய அளவில் சோபிக்க வில்லை. இதனால் 3வது டெஸ்டில் அவருக்கு பதிலாக ஜாக் க்ராவ்லேவை களமிறக்க வேண்டும். அவர் காயம் இருந்து மீண்டு வந்துள்ளதால் தடுமாற்றம் இன்றி சுழற்பந்து தாக்குதலை சமாளிப்பார் என மைக்கேல் வாகன் தெரிவித்துள்ளார்.
வலது கை வீரர்கள்
இங்கிலாந்து அணியின் டாப் ஆர்டரில் 4 வீரர்கள் வலது கை வீரர்களாக இருக்க வேண்டும். இடது கை வீரர்களை அஸ்வின் சுலபமாக வெளியேற்றுகிறார். இதனால் டாப் ஆர்டரில் வலது கை வீரர்களை களமிறக்கினால் அஸ்வினின் தாக்குதலுக்கு முட்டுக்கட்டை போடலாம்.
பவுலிங் மாற்றம்
2வது டெஸ்டில் காயம் காரணமாக வெளியேறி ஜோப்ரா ஆர்ச்சர் குணமடைந்திருந்தால் அவரை களமிறக்க வேண்டும். ஸ்டூவர் பிராட்டை வெளியேற்றிவிட்டு, ஆர்ச்சர், ஆண்டர்சன், ஒல்லி ஸ்டோன் ஆகியோரின் காம்போவை பயன்படுத்தினால் இந்திய அணி பேட்ஸ்மேன்களை திணறடிக்கலாம்.
பாஸ்
ஓய்வில் இருந்த ஜானி பேர்ஸ்டோ 3வது டெஸ்டில் களமிறங்குகிறார். இது இங்கிலாந்துக்கு நல்ல பலன் அளிக்கும். அதே போல மொயின் அலிக்கு பதிலாக டாம் பெஸ் களமிறங்குகிறார். பெஸ் முதல் டெஸ்ட் போட்டியில் கோலியின் விக்கெட்டை எடுத்து சிறப்பாக செயல்பட்டார். அது 3வது டெஸ்டிலும் பயன்படும் என மைக்கேல் வாகன் தெரிவித்துள்ளார்.
டெஸ்ட் சாம்பியன்ஷிப்
இன்னும் ஒரு போட்டியில் தோல்வியடைந்தால் கூட இங்கிலாந்து அணியால் உலக டெஸ்ட் சாம்பியன்ஷிப் இறுதிச் சுற்றுக்கு முன்னேற முடியாது. இதன் காரணமாக இந்தியாவுக்கு எதிரான 3வது டெஸ்ட் போட்டியை வெல்ல வேண்டிய கட்டாயத்தில் இங்கிலாந்து அணி தள்ளப்பட்டுள்ளது.