Click it and Unblock the Notifications
இங்கிலாந்து டெஸ்ட் தொடர்
இந்திய அணி கடினமான ஆஸ்திரேலிய தொடரில் பாதி முக்கிய வீரர்களை இழந்து, இளம் வீரர்கள் அணியைக் கொண்டு பலமான ஆஸ்திரேலிய அணியை வீழ்த்தியது. அதனால், இந்திய அணி மகிழ்ச்சியில் மிதந்து வருகிறது. அடுத்து இங்கிலாந்து அணியையும் இந்திய அணி இதே போல வீழ்த்தும் என ரசிகர்கள் எண்ணி வருகின்றனர்.
இலங்கை தொடர்
ஆனால், இங்கிலாந்து அணியை குறைத்து எடை போடக் கூடாது என்கிறார்கள் விமர்சகர்கள். அந்த அணி இந்திய டெஸ்ட் தொடருக்கு முன்னதாக இலங்கை அணிக்கு எதிராக இரண்டு போட்டிகள் கொண்ட டெஸ்ட் தொடரில் மோதியது.
நல்ல பயிற்சி
அதில் 2 - 0 என்ற கணக்கில் வெற்றி பெற்றுள்ளது. இலங்கை அணியை வீழ்த்துவது அத்தனை பெரிய விஷயமில்லை என்றாலும், சுழற் பந்துவீச்சுக்கு ஒத்துழைக்கும் இலங்கை ஆடுகளத்தில் அந்த அணி நல்ல பயிற்சி பெற்றுள்ளது. இலங்கை தொடரின் மூலம் இந்திய துணைக்கண்ட சூழ்நிலையில் அந்த அணி வீரர்கள் பயிற்சி பெற்றுள்ளனர்.
தயார்
எனவே, இலங்கை தொடரில் செய்த சிறிய தவறுகளையும் சரி செய்து கொண்டு இந்திய அணிக்கு எதிராக முழு அளவில் தயாராகி ஆடும் இங்கிலாந்து அணி. எனவே, இந்திய அணி டெஸ்ட் தொடரில் கவனமாக இருக்க வேண்டும் என எச்சரிக்கை விடுக்கிறார்கள் விமர்சகர்கள்.
