ஷுப்மன் கில் ஆட்டம்
ஆஸ்திரேலியா டெஸ்ட் தொடரில் ஷுப்மன் கில் முதல் டெஸ்டில் மட்டும் பங்கு பெறவில்லை. இரண்டாவது டெஸ்டில் ஆடிய அவருக்கு அதுவே சர்வதேச டெஸ்ட் அறிமுகம். அந்தப் போட்டியில் 45 மற்றும் 35 ரன்கள் எடுத்து நம்பிக்கை அளித்தார்.
வெற்றி
அடுத்ததாக சிட்னி டெஸ்ட் போட்டியில் அரைசதம் அடித்த அவர், பிரிஸ்பேன் டெஸ்ட் போட்டியில் இரண்டாம் இன்னிங்க்ஸில் 91 ரன்கள் எடுத்து இந்திய அணி வெற்றி பெற வாய்ப்பை ஏற்படுத்திக் கொடுத்தார். அவரால் தான் அந்தப் போட்டியில் இந்தியா வெற்றி பெறலாம் என்ற நிலை முதன் முதலில் உருவானது.
கம்பீர் அறிவுரை
அவரது வெற்றிகரமான ஆரம்பம் குறித்து பேசி இருக்கும் கம்பீர், அவரிடம் திறமை உள்ளது. ஆனால், அவர் தன் தலையை கீழேயே வைத்துக் கொள்ள வேண்டும். ஏனெனில், சர்வதேச கிரிக்கெட் மிகவும் கடினமானது என கூறி உள்ளார். அதாவது இந்த முதல் வெற்றியை தலையில் தூக்கி வைத்து ஆட வேண்டாம் என கூறி இருக்கிறார் கம்பீர்.
எதிர்பார்ப்பு வேண்டாம்
மேலும் கூறுகையில், சர்வதேச கிரிக்கெட்டில் உங்களுக்கு தேனிலவு போன்ற ஒரு ஆரம்பம் கிடைத்துள்ளது. நீங்கள் சிறப்பாக ஆடி இருக்கிறீர்கள். ஆனால், அவருக்கு கொஞ்சம் அவகாசம் அளிக்க வேண்டும். அவரிடம் அதிகம் எதிர்பார்க்கக் கூடாது என்றார் கம்பீர்.