Click it and Unblock the Notifications
கே.எல்.ராகுல் உறுதி
தென்னாப்பிரிக்காவுக்கு எதிராக அடைந்த டெஸ்ட் தோல்வி மிகவும் ஏமாற்றத்தை அளித்துள்ளது.இதனால் ஒருநாள் தொடரில் சிறப்பாக செயல்பட வேண்டும் என்ற உத்வேகத்தில் விளையாடுவோம். விராட் கோலி கேப்டனாக இந்திய அணிக்கு என்று ஒரு தரத்தையும் நிலையையும் நிர்ணயித்துள்ளார். அந்த வகையில் நாங்களும் செயல்படுவோம்
நிறைய கற்றுள்ளேன்
நான் தோனி மற்றும் கோலி இருவரின் தலைமையின் கீழ் விளையாடியுள்ளேன். அவர்கள் இருவரிடமும் நிறைய விசயங்களை கற்று கொண்டுள்ளேன். அந்த பாடம் கேப்டனாக இருக்கும் போது நிச்சயம் கைக்கொடுக்கும். வெற்றி பெற முடியும் என்ற நம்பிக்கையை கேப்டனாக விராட் கோலி எங்களிடம் விதைத்துள்ளார். அந்த நம்பிக்கையுடன் தென்னாப்பிரிக்காவை எதிர்கொள்கிறோம்.
6 பந்துவீச்சாளர்கள்
விராட் கோலி ஒரு வீரரிடம் இருந்து சிறந்த திறனை வெளி கொண்டு வருவார். அதனை கேப்டனாக நானும் செய்ய முயற்சிப்பேன். நானும் மனிதன் தான் தவறு செய்வேன். ஆனால் அந்த தவறிலிருந்து விரைவாக பாடம் கற்பேன். நாளைய போட்டியில் நான் தான் தொடக்க வீரராக களமிறங்க உள்ளேன்.ஒரு ஆல்ரவுண்டரை சேர்த்து 6 பந்துவீச்சாளர்களுடன் களமிறங்க திட்டுமிட்டுள்ளோம்.
Recommended Video
வெங்கடேஷ் ஐயர்
வெங்கடேஷ் ஐயர் ஆல் ரவுண்டராக சிறப்பாக செயல்பட்டுள்ளார். இதனால் அவருக்கு வாய்ப்பு வழங்க நினைக்கிறோம். உலகக் கோப்பை அடுத்த ஆண்டு நடைபெற உள்ளது. அதனை மனதில் வைத்து அணியை உருவாக்க உள்ளோம். டெஸ்ட் போட்டிக்கு கேப்டனாக தேர்ந்து எடுக்கப்பட்டால் பெருமையாக கருதுவேன், ஆனால் எனது குறிக்கோள் எல்லாம் தற்போது தென்னாப்பிரிக்க தொடர் மேல் தான் உள்ளது என்று அவர் கூறினார்.
