உலகக்கோப்பை ஜோடி
2019 உலகக்கோப்பை தொடரில் தவான் காயம் அடைந்தார். அப்போது கேஎல் ராகுல், ரோஹித் சர்மாவுடன் இணைந்து துவக்கம் அளித்தார். அப்போது ஓரளவு சிறப்பாக ரன் குவித்து இருந்தார் ராகுல்.
தவான் தடுமாற்றம்
பின்னர் தவான் காயத்தில் இருந்து மீண்டு மீண்டும் அணிக்கு திரும்பினார். எனினும், தவான் பேட்டிங்கில் எளிதாக ரன் குவிக்க முடியாமல் நிதானமாக ஆடி வந்தார். அது டி20 போட்டிகளில் அணிக்கு பாதிப்பை ஏற்படுத்தியது.
ராகுல் பேட்டிங் வரிசை
ரோஹித் சர்மா - தவான் துவக்க ஜோடியை தாண்டி துவக்க வீரரான ராகுலால் அணியில் துவக்க வீரராக களமிறங்க முடியாத நிலை இருந்தது. அவர் மிடில் ஆர்டரில் நிலையற்ற பேட்டிங் வரிசைகளில் தான் ஆடி வந்தார்.
ராகுல் பார்ம்
பேட்டிங் வரிசை மாற்றத்தை சமாளித்து ஓரளவு ரன் குவித்து வரும் ராகுல், கடந்த வங்கதேச டி20 தொடரின் மூன்றாவது போட்டியில் அணி இக்கட்டான நிலையில் இருந்த போது சிறப்பாக ரன் குவித்தார்.
தவான் காயம்
இந்த நிலையில், வெஸ்ட் இண்டீஸ் தொடருக்கான அணியில் இடம் பெற்ற தவான் காயத்தால் அணியில் இருந்து விடுவிக்கப்பட்டார். அவருக்கு பதிலாக சஞ்சு சாம்சன் மாற்று வீரராக அணியில் இடம் பெற்றார்.
ராகுலுக்கு மீண்டும் வாய்ப்பு
சஞ்சு சாம்சன் மாற்று வீரராக இடம் பெற்றாலும், ராகுல் தான் வெஸ்ட் இண்டீஸ் தொடரில் துவக்க வீரராக களமிறங்குவார் என எதிர்பார்க்கப்படுகிறது. ஏற்கனவே, ரோஹித் சர்மா- ராகுல் இணைந்து துவக்கம் அளித்து இருப்பதால் அவருக்கு தான் வாய்ப்பு வழங்கப்படும்.
வெஸ்ட் இண்டீஸ் தொடர்
அணியில் நிலையான இடத்தை பெற முடியாமல் தவித்து வரும் ராகுல், தவான் இல்லாத இந்த நேரத்தில் வெஸ்ட் இண்டீஸ் தொடரில் தொடர்ந்து அதிக ரன்களை குவித்தால், அணியில் நிரந்தரமாக துவக்க வீரராக இடம் பெற அதிக வாய்ப்பு உள்ளது.
சிக்கலில் தவான்
தவான் மீது ஏற்கனவே பேட்டிங்கில் புகார் இருக்கும் நிலையில், ராகுல் சிறப்பாக ஆடிவிட்டால் அவர் மீண்டும் அணிக்கு திரும்புவது கடினமாக மாறி விடும்.