முதல் வாய்ப்பு
ரோகித் சர்மா தலைமையிலான ஒருநாள் அணியில், அறிமுக வீரராக ரவி பிஸ்னாய் அணியில் தேர்வு செய்யப்பட்டுள்ளார். சுழற்பந்துவீச்சாளரான இவர் U 19 உலகக் கோப்பையில் கலக்கி, ஐ.பி.எல். தொடரில் பஞ்சாப் அணிக்காக விளையாடியவர். காயம் காரணமாக ஓய்வில் இருந்த குல்தீப் யாதவ் ஒருநாள் அணிக்கு திரும்பியுள்ளார். ராஜஸ்தான் வீரர் தீபக் ஹூடாவுக்கும் வாய்ப்பு வழங்கப்பட்டுள்ளது.ருத்துராஜ் கெய்க்வாடும் இடம்பெற்றுள்ளார்.
ஒருநாள் அணி
ரோகித் சர்மா, கே.எல்.ராகுல், ருத்துராஜ், ஷிகர் தவான், விராட் கோலி, சூர்யகுமார் யாதவ், தீபக் ஹூடா, ரிஷப் பண்ட், தீபக் சாஹர், சர்துல் தாக்கூர், சாஹல்,குல்தீப் யாதவ், வாசிங்டன் சுந்தர், ரவி பிஸ்னாய், முகமது சிராஜ், பிரசித் கிருஷ்ணா, ஆவேஷ் கான் ஆகியோர் தேர்வு செய்யப்பட்டுள்ளனர்.
ஷாருக்கானுக்கு இடமில்லை
மேற்கிந்தியத் தீவுகளுக்கு எதிரான டி20 தொடர் வரும் 16ஆம் தேதி தொடங்குகிறது. இதில் தமிழக வீரர் ஷாரூக்கான் இடம்பெறவில்லை.காயத்திலிருந்து குணமடைந்துள்ள அக்சர் பட்டேல் அணிக்கு திரும்பியுள்ளார். இந்த தொடரிலும் ரவி பிஸ்னாய் சேர்க்கப்பட்டுள்ளார்.ஒருநாள் தொடரில் இடம்பெறாத வெங்கடேஷ் ஐயர் டி20 போட்டியில் சேர்க்கப்பட்டுள்ளார்.இஷான் கிஷன் டி20 போட்டியில் சேர்க்கப்பட்டுள்ள நிலையில், ருத்துராஜ் கெய்க்வாட் இடம்பெறவில்லை.
Recommended Video
டி20 அணி விவரம்
ரோகித் சர்மா, கே.எல்.ராகுல், இஷான் கிஷன்,விராட் கோலி, ஸ்ரேயாஸ் ஐயர், சூரியகுமார் யாதவ், ரிஷப் பண்ட், வெங்கடேஷ் ஐயர், தீபக் சாஹர், ஷர்துல் தாக்கூர், ரவி பிஸ்னாய், அக்சர் பட்டேல், சாஹல், வாசிங்டன் சுந்தர், முகமது சிராஜ், புவனேஸ்வர் குமார், அவேஷ் கான், ஹர்சல் பட்டேல்.