ஐசிசி தரவரிசை
ஐசிசியின் டெஸ்ட் தரவரிசையில் தற்போது இந்தியா முதலிடத்தில் உள்ளது. ஆஸ்திரேலியா 2வது இடத்தில் உள்ளது. தற்போது இந்தியா தனது முதலிடத்தை ஆஸ்திரேலியாவிடம் பறி கொடுக்கப் போகிறது.
நாளைய வெற்றி
நியூசிலாந்துக்கு எதிரான கிறிஸ்ட் சர்ச் போட்டியில் ஆஸ்திரேலியா வெற்றி பெற 201 ரன்கள் தேவை என்ற நிலையில் இன்றைய நான்காவது நாள் ஆட்ட முடிவில் அந்த அணி ஒரு விக்கெட் இழப்புக்கு 70 ரன்களுடன் இருந்தது. நாளை அது 131 ரன்கள் எடுத்தால் வெற்றி பெறும்.
2-0 வெற்றி
முதல் டெஸ்ட் போட்டியில் ஏற்கனவே ஆஸ்திரேலியா வெற்றி பெற்றுள்ளது. 2வது போட்டியிலும் நாளை ஆஸ்திரேலியா வெல்லப் போகிறது. இதன் மூலம் 2-0 என்ற கணக்கில் அது தொடரை வெல்லும்.
முதலிடம்
நாளைய போட்டியில் ஆஸ்திரேலியா வென்றால் அது ஐசிசி தரவரிசையில் முதலிடத்தைப் பிடிக்கும். இந்தியா 2வது இடத்தைப் பிடிக்கும்.
ஒரு வேளை நியூசிலாந்து வென்றால்
ஒரு வேளை நியூசிலாந்து வென்று விட்டால் நாம் தொடர்ந்து முதலிடத்திலேயே இருப்போம். ஆஸ்திரேலியா 3வது இடத்திற்குப் போய் விடும்.
டிரா ஆனால்
ஒரு வேளை போட்டி டிரா ஆனால் (இதற்கு வாய்ப்பு மிக மிக குறைவு) அதுவும் ஆஸ்திரேலியாவுக்கு சாதகமாகவே மாறும். ஆஸ்திரேலியாவே முதலிடத்தைப் பிடிக்கும்.
ஏப்ரலில் பரிசு
ஏப்ரல் 1ம் தேதி வரை தரிவரிசைக்கான கட் ஆப் காலம் ஆகும். அதன் பின்னர் முதலிடத்தைப் பிடிக்கும் அணிக்கு ஐசிசி 10 மில்லியன் டாலர் அதாவது இந்திய மதிப்பில் கிட்டத்தட்ட ரூ. 7 கோடி பரிசாக அளிக்கும்.
2வது இடம் பிடித்தால்
ஒரு நாளை நாம் 2வது இடத்திற்குத் தள்ளப்பட்டால் நமக்கு பாதி தொகைதான், அதாவது ரூ. 3.50 கோடி மட்டுமே கிடைக்கும் என்பது குறிப்பிடத்தக்கது.
தற்போதைய தரவரிசை
தரவரிசையில் தற்போது இந்தியா, ஆஸ்திரேலியா, தென் ஆப்பிரிக்கா, பாகிஸ்தான், இங்கிலாந்து, நியூசிலாந்து, இலங்கை, மேற்கு இந்தியத் தீவுகள், வங்கதேசம், ஜிம்பாப்வே ஆகியவை 10 இடங்களில் உள்ளன.