முன்வரிசை வீரர்கள்
இந்திய அணி கேப்டனாக ஷிகர் தவான் நியமிக்கப்பட்டுள்ளார். இதே போன்று துணை கேப்டனாக ஸ்ரேயாஸ் ஐயர் செயல்படுவார் என்று அறிவிக்கப்பட்டுள்ளது. சிஎஸ்கே அணியின் தொடக்க வீரர் ருத்துராஜ் கெய்க்வாட்டுக்கு மீண்டும் வாய்ப்பு வழங்கப்பட்டு இருக்கிறது. இதே போன்று இளம் வீரர் சுப்மான் கில்லும் தேர்வாகி உள்ளார்.
ரஜத் பட்டிதார்
இதே போன்று ஆர்சிபி வீரர் ரஜத் பட்டிதார் முதல் முறையாக இந்திய அணியில் தேர்வாகி உள்ளார். ஆர்சிபி அணிக்காக 8 இன்னிங்ஸ் விளையாடிய பட்டிதார் 333 ரன்களை அடித்து இருக்கிறார். இதனைத் தொடாந்து ரஞ்சி கோப்பை இறுதி ஆட்டத்திலும் சதம் விளாசி இருக்கிறார் பட்டிதார்.
வேகப்பந்துவீச்சாளர்
உள்நாட்டு போட்டிகள், இந்திய ஏ அணி தொடரில் கலக்கிய வேக பந்துவீச்சாளர் முகேஷ் குமார் முதல் முறையாக இந்திய அணியில் வாய்ப்பு வழங்கப்பட்டு இருக்கிறது. இதே போன்று டி20 உலககோப்பை ரிசர்வ் அணியில் இடம்பெற்றுள்ள ரவி பிஸ்னாய், தீபக் சாஹர் ஆகியோர் தென்னாப்பிரிக்க தொடரிலும் விளையாடுகின்றனர்.
இந்திய அணி விவரம்
ஷிகர் தவான், ருத்துராஜ் கெய்க்வாட், சுப்மான் கில், ஸ்ரேயாஸ் ஐயர், ரஜத் பட்டிடார், ராகுல் திரிபாதி, இஷான் கிஷன், சஞ்சு சாம்சன், ஷாபாஸ் அகமது, சர்துல் தாக்கூர், குல்தீப் யாதவ், ரவி பிஸ்னாய், முகேஷ் குமார், ஆவேஷ் கான், முகமது சிராஜ், தீபக் சாஹர்