வங்கதேச தொடர்
முதலில் வங்கதேச அணி 2 டெஸ்ட், 3 ஒருநாள் மற்றும் 3 டி20 போட்டிகள் கொண்ட தொடரில் பங்கேற்கிறது. முதல் டெஸ்ட் ஜூன் 16ஆம் தேதியும், 2வது டெஸ்ட் ஜூன் 14ஆம் தேதியும் நடைபெறுகிறது. இதனைத் தொடர்ந்து ஜூலை 2, ஜூலை 3,ஜூலை 7 ஆகிய தேதிகளில் முறையே டி20 போட்டிகளும், ஜூலை 10, ஜூலை 13, ஜூலை 16 ஆகிய நாட்களில் முறையே ஒருநாள் போட்டியும் நடைபெறுகிறது.
இந்தியா Vs வெஸ்ட் இண்டீஸ்
இதனைத் தொடர்ந்து இந்திய அணி வரும் ஜூலை மாதம் மேற்கிந்திய தீவுகளுக்கு சுற்றுப் பயணம் மேற்கொள்கிறது. ஜூலை 22ஆம் தேதி முதல் ஒருநாள் போட்டியும், ஜூலை 24ஆம் தேதி 2வது ஒருநாள் போட்டியும், ஜூலை 27ஆம் தேதி 3வது ஒருநாள் போட்டியும் நடைபெறுகிறது. 3 போட்டிகளும் டிரிண்டாட்டில் நடைபெறுகிறது. இதனைத் தொடர்ந்த டி20 தொடர் நடைபெறுகிறது. ஜூலை 29ஆம் தேதி முதல் டி20 போட்டி டிரிண்டாட்டில் நடைபெறுகிறது.
அட்டவணை
2வது டி20 போட்டி ஆகஸ்ட் 1ஆம் தேதி செயிட் கிட்ஸ் நகரிலும், 3வது டி20 போட்டி ஆகஸ்ட் 2ஆம் தேதி அதே மைதானத்திலும் நடைபெறுகிறது. இதனைத் தொடர்ந்து இரு அணிகளும் அமெரிக்காவுக்கு செல்ல உள்ளன. அங்கு ஆகஸ்ட் 6ஆம் தேதி 4வது டி20 போட்டி லாண்டர்ஹில் மைதானத்திலும், ஆகஸ்ட் 7ஆம் தேதி 5வது டி20 போட்டிஅதே மைதானத்தில் நடைபெறுகிறது.
இந்திய நேரப்படி போட்டி
ஒருநாள் போட்டி இந்திய நேரப்படி இரவு 7 மணிக்கும், டி20 போட்டி இந்திய நேரப்படி இரவு 8 மணிக்கும் நடைபெறுகிறது. இங்கிலாந்து சுற்றுப்பயணம் முடிந்த பிறகு வெஸ்ட் இண்டீஸ் தொடர் தொடங்குவது குறிப்பிடத்தக்கது. இதே போன்று ஆகஸ்ட் 10ஆம் தேதி நியூசிலாந்து அணி, வெஸ்ட் இண்டீஸ்க்கு சுற்றுப் பயணம் மேற்கொண்டு 3 டி20, 3 ஒருநாள் போட்டி கொண்ட தொடரில் விளையாடுகிறது.