பும்ரா உறுதி
போட்டியின் இரண்டாவது ஓவரை பும்ரா வீசினார். அந்த ஓவரின் ஐந்தாவது பந்து ஆரோன் பின்ச்சின் காலில் பட்டது. பும்ரா உடனடியாக அவுட் கேட்டார். அம்பயர் அவுட் கொடுக்க மறுக்க, பும்ரா தன் நிலையில் உறுதியாக இருந்தார்.
வேண்டாம் என்ற தோனி
ரிவ்யூ கேட்கலாமா என்ற பரபரப்பான இந்த சமயத்தில் கோலி ரிவ்யூ கேட்க முடிவு செய்தார். தோனி கேட்க வேண்டாம் என்ற முடிவில் தான் இருந்தார். எனினும், பும்ரா, கோலியின் முடிவால் ரிவ்யூ கேட்கப்பட்டது.
அவுட் இல்லை
பந்து பேட்டில் படவில்லை என்பது உறுதியானது. ஆனால், ஹாக்-ஐ ரீப்ளேவில் பந்து ஸ்டம்ப்களுக்கு மேலே உயரமாக செல்வது தெரிந்தது. டிஆர்எஸ் நிபுணரான தோனி கூறியது போலவே, இது அவுட் இல்லை என உறுதியானது.
கோலி மோசம்
தோனி பேச்சை கேட்காத கோலி, பும்ராவால் இந்தியா இரண்டாவது ஓவரிலேயே தன் டிஆர்எஸ்-ஐ இழந்துள்ளது. கோலி இத் போல டிஆர்எஸ்-ஐ வீணாக்குவது முதல் முறையல்ல. பல முறை மிக மோசமாக ரிவ்யூ கேட்டு விமர்சனத்துக்கு உள்ளாகி இருக்கிறார் கோலி.
தோனி இருந்துமா?
அதே சமயம், மூத்த வீரர் தோனி டி.ஆர்.எஸ்-இல் அதிக முறை வெற்றி பெற்றவர் என்ற பெயரைப் பெற்றுள்ளார். ரசிகர்கள் அவரது பெயரில், டி.ஆர்.எஸ் என்பது தோனி ரிவ்யூ சிஸ்டம் என்று கூறி வருகிறார்கள் என்பது குறிப்பிடத்தக்கது. அப்படி ஒருவரை அருகில் வைத்துக் கொண்டு சொதப்பியுள்ளார் கோலி.